|
مساجلات شعريه (يمنع المنقول)!
بسم الله الرحمن الرحيم
احبتي الشعراء هنا سيكون للمساجلات الشعريه من باب التجديد الفكره هي كالتالي ان يبدع اي شاعر ابيات ويطلب شاعر اخر لمساجلته لمدة اسبوع مثلا ويحدد موضوع المساجله.. وف الاسبوع الاخر شاعرين اخرين بنفس الطريقه وبموضوع مختلف وفي نهاية كل شهرستطرح المساجلات للتصويت .. وهناك لـ افضل مساجله نقاط تقييم ومشاركات ووسام تكريم مع تصميم مساجلاته ووضعها بديوانه الخاص به .. طبعا المساجلات ستكون مفتوحه للنبطي والعرضه والقلطه والكسره حسب طلب الشاعر الذي يبدع المساجله.. نتمنى من الجميع المشاركه واختيار المواضيع الهادفه والابتعاد عن المهاترات وافضل ان تكون عامه بعيدا عن الشخصنه والسياسه .. واستاذن الجميع ف البدايه |
مساءكم وصباحكم خير
اطلب شاعر عماره الشاعر عبدالله السيد العماري ولاني من هواة شعر العرضه ( الشقر) ستكون المساجله في فن الشقر وموضوعها عن الصداقه. بسم الله نبدا سلام ي شاعر كبيراً وله صيت تعال وابن الشعر بيتٍ ورا بيت شاعر ولك صوله وجوله وجماهير بعض البشر شوفته فرح وتباشير واليا انتخيته فزعته ترفع الراس راع الوفا والطيب خوته نوماس اما صداقه تفرح النفس وتدوم والا بلاها ي الخوي من صداقه |
مرحبا واهلا وسهلا يبو نايف مديرنا وشاعرنا الغالي واختيارك لي شرف ووسام وتاج وهذا تواضع منك والا فالشعراء أفضل مني ولكن أرحب فيك واحاول معك واسأل الله ان اكون قد الهقوه لارضاء ذائقة الجمهور وشخصكم الكريم وارى اني ارد عليك ثم ابدع وترد وهكذا الرد على قصيدتك من السيد شاعر عماره كملي مع الشعار اشاكس وناصيت وابـنـي عـلومـي للصـداقـه ورابـيت من قبل مااجمهر بقولي جـمـاهـيــر ما قلت لي في أصحابنا من تباشير غـيرك يحـاول يرأ س الناس والراس للكهربه شوطن في أسلاكن وماس أتـرك عـلوم الـناس وايـامـنا تــــدوم وتبيـيـن اكـذاب الخـوي من صـداقـه |
البدع الجديد من السيد شاعر عماره رفـعـت صــوتـي للـخـلايـق وناجيت مـــافــــرق الا خـــوان قــربا ولافيت ماخاوي الاهـل الشـيـم ولـغـنـاديــر ما اميز القاضـي عـن الشـيخ وآمير دوم أعـتـبـرهـم تاج راسي وللباس الكـل مـنهـم لـه مـكـانـه ومـقـيـاس مادمت من ناسن لهااعلوم وسلوم الســيـف مـيـز ســلــته والـعــلاقــه |
صح لسانك شاعر عماره لاهنت تزهم بعالي الصوت ب اسمي وانا جيت مشيت طول الدرب عندك ولافيت للفقر ديره عندنا والغنى دير مثلك يمير اللي فقارا وانا آمير وماغير رب الكون رفّاع للباس ماينهض الرجال لو به رمق ياس اصحابنا لوكان من حرب وسلوم ماغيّرت فينا السنين العلاقه |
استلم البدع لاهنت
اليا زهمتك ي العماري تعا ليت الطيب تاج الرجل واما الدنا ميت يوم الصداقه مثل ذود المغاتير والله يكافينا صدوووف المقادير ي ليت حطوا للصداقات حراس والا بوابٍ من حديدٍ وترباس مايينفع المسلم صلاةٍ ولا صوم لا قام يهرج في قفي الرفاقه |
تعال هنا ابو عبدالرحمن
ولا تسوي زي شاعر عماره السيد سلم راسه والله اخذنا مشوار هنا بس عند نقل الموقع ضاع شي من المشاركات والظاهر زعل زي مازعلت انا استلم البارحه واليوم جوي صافي والله يفرح قلب من فرحني زرع سعادة كون فوق اضفافي انا افقده وان غبت هو يفقدني من اوليه مكتئب ي كافي الملم افراحي لكن تفقدني |
الوقت ما يرحم ولا يوقف لـ احد
اليا مشيت اخطاك فـ اسرع مدها عطيت للغالين من راسي عهد ان الشهور اللي مضت ماعدها الكفو لـ اعطى موعدٍ يوفي الوعد وانا حشا يمناي للي يكرهك مامدها! |
ابن هزاع يا كمنت خذ مني رساله على الفور لاهنت سلمها إلى ايدين ساره وتقول ابو نايف سرى يفتل الشور هاوي قصيد وتو ماشب ناره سارة الجنوبية جاني الخبر في التو فاير مع النور للشعر شمعاتي علت في مناره إخلاصكم يحتم علي ردة اسرور وأيا الكرم من صوبكم نبع كاره محشوم يا ابن الذيب لاجت على البور مقدام قومك ما خفتنا الشراره إن كنت ناوي للنزال ما بها شور ادل ابــ/حبالك وانتبه للحراره مادام جتني والفرح حاطني سور عار ( ن) علي ابدأ برسم الإغاره محشوم أنا قلت أول القول مجبور صنّفتني بالعز تاره وتاره لكن على مر الزمن تجبر اكسور ونعود للرسم البياني وثاره أنا جنوبية ومن منبع الحور بين الرجال تشد بي ازر شاره على المجنزر هيبتي شل طابور رشاش بيميني وسيفي ابخماره لاجت على الطولات لا هان خابور نشعل فتيله ومدفعه هلّ حاره لا جت على الخيال لاهان كابور مدعوج عينين لجامه لساره نجيد رسم المعركة عتم وابحور ونجيد رسم الطايرات وامساره إن قلت بدو/ ابدويه على الفور والتقنيه يا زينها من عباره ماني من اللي يلبسون الخالا خور وتهز ردف وتلتوي للإثارة بن هزاع هلًت مزون أربيعنا وأسقت البور والجار من فرحته بـارك لــجاره أهلاً بمن لا يشبه مروره أمرور متصفحي يرقص وزاد إفتخاره اقسم بمن نزًل تبارك مع الطور مجري الكواكب والقمر في مداره إني على وضح النقا ما اشهد الزور ونقـدًر آداب الكرم والزيــــــــــاره لأني صريح القول ما لـًف وآدور الرجل وجهه دون ربـــعه وداره وإن جت على ما قال بركان ويـــثور والله ليحرق من حفر له و ثـــــاره نكمل ما بدأه لنا منظم المحاوره وهذي ردي المعد مسبقاً لا جت قسم يا ابن النشاما و بالفور وعده نفذ رغم أنفنا حيف عاره **** حيا الشعر لا جا من الغار للغور حيّا نعم ترجا بها طور طاره **** حيا النقا لا جا النقا يحفر اقبور لأهله بيد ربعه مسوي شطاره **** حفرت لك في الشمس مركى ودافور لأجل أنت تجهل وقفتي في عماره **** الشعر يا ابو الذيب مشهود مشهور نبغا من الجمهور وقفة جداره **** إما سبكته في لظى النور من نور أعد نفسي للمخاليق شاره **** يا هوه يا ليل(ن) مجاهر ومسرور أراك مغرور(ن) محصل بشاره **** أهلا ترى طوفان شعري كسر سور يأجوج لا من جا ألفّه بفاره **** أقرا الفلق واخلاصها وانتبه حور لكن نوّرد جِنّها زور زاره **** مطنوخة(ن) بنت النشاما ترى دور ترقّص العليا شهب وسط داره **** تطربني الفاظ العرب وانشد ابحور ورّدت كاسي من سماكم مطاره **** زدني جروح(ن) وأوعدك دم منثور سيل(ن) عرم ييبس محيط وابحاره **** سَمّ /اسلم / جاك طابور طابور من إنسها والجن سجّل خباره **** يا هوووووه صفّيت العفاريت في شور قلوا تعالي ما لقينا مساره رد بن هزاع حظي رماني في وسط عالم (ن) عــور يعيش في وحل الجهل واخســـــــــــــاره **** اكره بشر لازادت أشروره أشـــــــــــرور وأكره نزوله للخطأ وإنحـــــــــــــــــداره *** يبغى يرجعنا إلى وعد بالفـــــــــــــــــور ضيع بلاد (ن) ضيع الله مســـــــــــــــاره *** فكر(ن) عقيم وللملا صار منشـــــــــــــور سهمي علا ما ني على تلك شــــــــــــــاره *** عندي فضا حريتي وأنت محصــــــــــــور شرواك ما له غير نحكم حصـــــــــــــاره *** شكله يحسب إني ابهقاويه مبــــــــهور والله ليبطي ما يجيني إنبهــــــــــــــــاره *** ما ودي أفضح كل خافي ومســـــــــــــتور خل العلوم مسترات بستــــــــــــــــــــــاره *** عندي قصيد يهُد (ها مات) وجــــــــــدور وعز الله إن أقصر جدار(ن) جـــــــداره *** اللي سفيه نحط في فاه خابــــــــــــــور هذا رصيده من السفه لإدخـــــــــــــــاره *** وإلا السهيمي لأتكى وانثنى الشـــــــور كل (ن) يقدر وقفته وإقتــــــــــــــــداره *** ربعي مصابيح الدجى شورهم نـــــــور فينا الكرم واكبيرنا له وقـــــــــــــــــاره *** ارض (ن) مشاها تنفرش ورد وزهور وإن قرر أمر احنا ننفذ قـــــــــــــراره *** خل العدو يبقى على الجال منحــــــور إن كان مو بيدي فبيده إنتحــــــــــــاره *** وإن كان قصدك تبغي أخرج عن الطور ناظر سماك وعد 1000000ســـــاره |
جيت بعد غياب والله جابك بعد ماذقت العنا بسنين الغيبه جيت والخافق هلا حيابك ماتعوّد غيبتك ومفارقك تدريبه يوم اشم الطيب ب اثر ثيابك ريحته من ريحتك له هيبه! |
ما فهمت المقصود بالمساجلة هنا ؟؟؟؟
هل هي مجارة على نفس المعنى ام رد ( أشبه بالمحاورة ) وهل الأبيات السابقة يجب على من يأتي بعدها الرد أو المجارة لها لا هنتم جميعا أحبيتي وفي أمان الله |
ي هووووووووووووه مساجله يعني مجاراه ايشبك:36_3_16: |
قيل الغلا يثمر غلا يبببببنن الحلال
وانت الغلا واثمرت في ذاتي غلى ويقلون ف السابق ليا هل الهلال اطفالهم حيوا هلاله بيا هلا والبنت صاحبة الطناخه والجمال مازادها كثر الحياء الا حلى...! آنيه |
كنت اتمنى شوفتك لو دقايق
ولله كتب ي جعل ف الامر خيره احيان فيك غرور واحيان فايق واحيان احسّك فيك ضيقه وحيره يضيق بـ عيوني الفضا لو تضايق يكفيك من ربك نعيم الستيره! آني للمجاراه |
يقولون رايق قلت بالحيل رايق
ومن زود روقي قلت فضوها سيره قالولي ضايق قلت من قال ضايق وأنا سمير إلي طفش من سميره حض تعثر وخط سيري عوايق ومع الرتابة سرت فاقد بصيره |
احسنت ابو ياسر صح لسانك |
مادام .حبك .جريمه .في خيالاتك
إذاََ ّ. احبك. وبـ ــ الاجرم .متقمص لو تهت . مثلك . وطبقت . احتمالاتك اكيد . نطلع من . المولد بلا حمص |
ي قصر لوشرعوا بابك وصالاتك لوحالوا رص مافي داخلك ما ارص الناس تكتب وتقرأ لك مقالاتك فيه ناس تسال تقول شفيك متحرص |
صح لسانك ملاين ولايسدن |
من كم سنه والناس بالناس تذكر
والحين بعض الناس مايذكروني لكن ..حتماً من تعذّر سـ يُعذر وانا ان خطيت بحقهم يعذروني ما اقول غير الله يارب تستر آخاف لو طال البعاد اهجروني آني |
صح لسانك ملاين وهذه مجاراه مستعجله واعذرني ...1 ومدري وش جابني هون لكن يالله وقع الفاس في الراس ! استلم ! بعض الضروف احيان تحكم وتجبر وبعض البشر في حاجته يبهروني ماهي غريبه ...ياشفق يوم تنكر وكلٍ على ليلاه غنى اذكروني ماكل زول..... تفقده او تحسر غيابه اجمل من حضور اشتروني |
الله الله ابو عبدالرحمن مجاراه جدا راقتني صصصصصححححح كللللللك ي شيخ مودتي |
ذوقي ترى يختلف في مثل شرواك
اكيد...(ي ليل وين الغيد ويني) قفو .ولفو. ودارو.. دورة افلاك ولا لقوا .. فوق دنياهم معيني |
هذي هي الدنيا ماهي على مشهآك ،،
لو زانت اليوم بآكر تشيني ،، خل الأمل ملفاك و الياس مقفاك ،، واطلب عسى الخالق عليها يعيني ،، صح كلّك غازي الفكر ،، مجاراه بسيطّه ولو انها مدري كيف جات ومتى بس الظاهر من يوم اتعشيت المخ اشتغل ههههههه ،، |
صوت جميل جدا غازي الفكر صح كللللك
صدى اجمل اوركيد صح كللللك |
صحيّت الأنيق وَ البياض / الشفق ،،
تقديري للجميع ،، |
صحت قلوبكم جميعا وافكاركم
جميل جدا ورائع ما طرح وسطر بارك الله فيكم جميعا مع اجمل وارق الامنيات |
صح كلللك ابو احمد
ابتهج المتصفح ضياءا بعبورك مودتي |
على طاري القصيد وكل متعاطيه
لـ جمهوره ، مغنيّنه ، وكتّااااابه ابكتب بيت شعر وي عسى تقريه عشان اهل الشعر بعدك تغنّا به كذا بالمختصر بـ قولها ي بيه في اغيابك يمّل الصبر ويفقد اعصابه ترى غصن اللقا يسال ؟ متى تسقيه! عسى م انتِ إبـ سحابة صيف كذابه!! آني |
صح لسانك يا اوركيد
مجاراه رائعه جدا وافضل مماكتبت والمعذه على التأخير لم انتبه تقديري |
الله الله الله ياراجل وش هالابداع الوضع حامي ماشاء الله ..صح لسانك ملاين ابداع ولي عوده اذا ماسبقني احد |
على الله المشتكى من شلّة العدوان
من الحظ البهيم وجملة اعوااااانه تصدق ي علي ي بن شلووووان تساوت في عيوني النيل واسوانه دخيل الله من العقل الخفيف ومن عمى الالوان مثل طرقي مشى دربٍ طووويل وظل عنوانه اجل لو كان ما منّ الإله بنعمة السلوان لـ سلّمنا الذوات بـ يّد الهمّ واخوانه |
صح لسانك وكلك يالجزل وهذا ماقدرنا عليه امل ان يكون مقبول ولو دريت ماطبيت هنا ! توكل على الله واختلق عذرللاخوان تعالى ولا تنشد من الخبث عوانه هنا في الفلك حاجه يسمونها اوان بتركن عليهم مثل ...ماجتك باوانه تعوذ من ابليسك ولاترتجي اعوان وخلك على نبلك... وكثر بــ ديوانه حليل الذي في فعلته مبتهج خوان على ايش فرحتهم والايام خوانه |
صح كلللك ابو عبدالرحمن هههههههههه هي كانت متعمده اصلا لتساجلها ابدعت لا عدمتك مودتي واحترامي لك :evyW0v: |
وصح بدنك ولا ادري هي على الوزن والا لا
عموما دامها نذاله طخيتني بها لبارح استلم ولازم تلتزم بالقافيه بقيت لك كثير خلني اشغلك والا ادري انك بترد بأفضل ! الصحيب القرم ....بين الخلق معروف ومعزاز يطربك في الحرف والصحبه وفي الخيرات عزز له وفاء نادر مع اصحابه وفي الطولات دزاز يسبقك في الطيب والمعروف في القمه مرزز لو نخيته ....اطلب اطلب ماتلاقي غير فزاز كل مطلوبك ...يجي لك دون ضعف ولاتهزز ي صبي أقريش ياللهزاع لك طولات مرزاز صنت للعليا مبادي ....وانت في قومك معزز الاصيل واصل في قومن لهم مقدار وعزاز اهل قدر ...واهل ضيفه واهل فزعاتن تعزز |
أولا . حرام انك افضل مني شعرا ومنزله وقدر لكن القصد تسليه ..وماقلت غير ما احمله لك من معزه ثانيا . صرت أخاف ما ادخل أي موضوع ههههه خوف فيه شعر لك وتبي رد (يعني إرهاب) والجمد لله انك مارديت خلني استغلها فرصه ! ........................................... هي ثلاث ايام قفت..واستعضنا عطر قزاز والعوض مقبول دام الوضع منطوقه يقزز ياسلامي يارفيق ن ....مالقى للشعر هزاز غيبته القافيه والجهد..... وعلومن تحزز والتزم بالصمت..... خوف الزز والزاز الغريب انه من اهل الشعر وجزاله ترزز مير ممكن غير يمكن مالقى شيشه وبزاز وكل عذرن نفبله والشعر للشاعر ملزز :0izoSg::0izoSg::msn-wink::0izoSg: |
صح الله لسانك ي بو عبدالرحمن
والله اني سفريات اعذرني الله يسعد قلبك انا ودني تشغلتي ههههههههههه |
صباح الخير / وشكله خير /ومبكر
يدوزن حرف يهدي ورد لصحابه بشعرٍ غير /ولونٍٍ غير/ويهكر على حس المشاعر هكر ابوابه ضواه البين /ونظرة عين ؟ويعسكر على وقتٍ مضى في حضرة جنابه لهو معتوه/ ولامشدوه / بل سكر على طيبٍ سبق في روح جذابه |
كحيل العين خلا البين متكدر
يغار وما يغار الا على احبابه هويته يوم صد ولد وتحدر وانا قلبي مولع به على بابه عظيم احساس يجمعنا بلا منذر هذاك الحب . لاتسألني وش جابه |
صوت جميل وراق
صدى اجمل وراق ايضا لله دركما غازي الفكر&مهاجره |
| الساعة الآن 11:41 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
