|
لوحة الماس
هذي قصيده قديمه لي ماكنت متوقع كانت في الادراج بعد تصفحي لدفتري القديم تقبلو غبرتها لترى الظهور في وحدة الإنسان عزله من الناس تشتاق نفسه لنفسه اللي فقدها الصمت والليل من زواياه جلاس واطيافه اللي تاهت وما صفدها الروح ارضٍ والسما ريح وانفاس والعالم المجهول يملك جسدها غربة اماكن ساكنه وسط هوجاس تلمح مناظر كن محدٍ شهدها الصدق صوره والكذب لوحة الماس والبروَزه خصت نظر من نقدها رسام واحساسه ماهو بـ ايّة احساس شكل تلاوين الفجر واعتمدها اصدق مشاعر صورة اقرب الناس امه وابوه وفي يدينه ولدها في هالمشاعر كيف الأشواق تنقاس وذكرى السنين تعيد ذكرى سعدها يا بو وليد دقت لي الأيام الأجراس من يوم ورتني ملامح حسدها دجت الدروب وخطوة الشوك تنداس وسود الليالي وصلتني لبلدها ماهي من التسعه ولا سبعة اقواس انا من الصفرين عندي عددها دام الفقر مني يعاني من افلاس الله يرحم حظي اللي حصدها |
صح لسانك هبوب الريح
ارشيفيه فاح غبارها طيبا لا نضب لك فكر .. على اسمها لوحة ماس راقتني لاعدمنا حضورك تقييمي ومودتي ، الشفق |
صح لسانك هبوب الريح
تحياتي |
هبوب الريح
صدق من قال : المعادن النفيسة لا تصدأ لله درك وفي أمان الله |
ألماسات عده في هذه الجميلة والباذخه . تسلم هبوب الريح وصح لسانك .
راقت لي كثيرة . فأستحقت الفايف ستار ووشمت بختم التميز . شكرا لك ويعطيك العافيه . وطابت لك الاوقات . |
،
الصدق صوره والكذب لوحة الماس والبروَزه خصت نظر من نقدها رسام واحساسه ماهو بـ ايّة احساس شكل تلاوين الفجر واعتمدها رائِعهه وَ كفىّ صَح لسسَاَِنكك ياهبوُب الرييِحّ و دامَت قريِحتكك الشعريهه مَطراً احتراميّ ..~ |
الله الله
عليك شاعرنا الرائع خلقا وشعرا على كذا لازم تدور اكثر واكثر الزمن لايغير كل جميل شاعرنا قصيدة ولا اروع شيدها الشعر واعتنى بها شاعر فذ ابدعت ,,,فكان الاستمتاع الي درجة التشوق للمزيد وعدم الخروج من النص شكرا ايها الجزل تقديري واحترامي |
الصدق صوره والكذب لوحة الماس
والبروَزه خصت نظر من نقدها رسام واحساسه ماهو بـ ايّة احساس شكل تلاوين الفجر واعتمدها تلك اللوحه تفاقم بها الإحساس حتى اذهلتنا ،، صح لسانك وسلم فكرك ،، تطوع الحرف ف ينصآع لمدادك ،، لاعدمنآك ،، |
صح بدنك نورت القصيده وراعيها بعطرك اشكرك |
صح بدنك شكراً لعبورك |
| الساعة الآن 02:45 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
