الصفحة الاخيرة من عكاظ تم تخصيصها
غالبا تدعُ الى التبرج والسفور بعنوان
طعم التفاحة

يوم افكر في هذا الوقت والدنيا المريره = ينشغل فكري وعقلي ولا يرتاح بالي
من هجوسي طول ليلي وانا عيني سهيره = موجها لا هاج غطّى على روس الجبالي
شايفٍ لي مشكله. مشكله والله كبيره= والمجله والصحيفه لها تمدّ الحبالي
وزبدة الموضوع خضرا الدِّمَنْ دايم تثيره =وكل يومٍ حوله تْثير موضوع وجدالي
كل ما طالعت في صفحة عكاظ الاخيره = ما لقيّت الا دعاة الخنا والانحلالي
واستجابة للندا كل مغروره حقيره = ونزعت ثوب الحياءْ وارتدت ثوب الظلالي
ودها تصير في عالم الفتنه شهيره= ولمّعت بخدودها اسوا مساحيق الجمالي
تفخر بزود التبراج وتفل الظفيره = وعرض اهلّها واسمهم داسته تحت النعالي
بنت طرشٍ ما لها دين ووصول وعشيره = ولا تفرّق بين معنى الحرام مْن الحلالي
عايشه في عالم ما بهم نخوه وغِيره = والشّرف ما حسّبوا له حسابٍ باي حالي
رجلهم قد مات من قبل ميلاده ظميره = من بني علّمان تلقاه والا ليبرالي
غايته يشوف بنته فالمكتب مديره = ويفتخر لا شافها كاشفه بين الرجالي
تكفى يانمر العروبه وياصقر الجزيره = يالامام المومن العادل الشهم المثالي
نطلبك تسلّ سيف الشريعه من جفيره = وعن ثوابتنا اردع اهل الخنا والانحلالي
ياملكنا اللي لك بمنهج الاسلام سيره = نسأل الله يحفظك من صواديف الليالي

مسفر الصفا

صح لسانك
نص لايكتبه الا الكبار من الشعراء
وانت منهم^

راق لي فكره وهدف
كتب الله لك الاجر ياراقي

ودمت بحفظ الرحمن

كم انت رائع
فصيلة الكبار ,,هم من يجعل الشعر رساله
يخدم مجتمع وينير اضفاف العقول حول قضاياه
استمتعت هذا اليوم بالشعر الشامخ المحبب
كنت راقي اخي في مضمونه وحبكه وسبكه
اعجز عن وصف مابراسي عندما قراءتي
لهذا النص الشامخ ,,بشموخ صاحبه ورقيه
انا هنا من المتابعين وساكون ان شاء الله
اول الحاضرين ع متصفحك الجميل,,
شكرا وبيض الله وجهك ايها الشاعر الجزل
تقديري واحترامي