شبكة شفق - تعال ياعلي حاسن

صفحة 1 من 2

شبكة شفق (https://vb.shafaq-e.sa/index.php)

- || مشاكسات حرف ~ (https://vb.shafaq-e.sa/forumdisplay.php?f=97)

- - تعال ياعلي حاسن (https://vb.shafaq-e.sa/showthread.php?t=399)

أبوعماد

10-29-2011 01:34 AM

تعال ياعلي حاسن

سلام ياهل الدار والسالفة جات
ومن بعدها نسمع جواب الإفادة

إما يجاوبني علي بالعلامات
وإلا باحط الرأس فوق الوسادة

علي حاسن

10-29-2011 01:40 AM

يامرحبا ترحيب في كل الاوقات=ترحيب من قايد تولا القياده
ترى الصلاة اللي بليا تحيات=ماتنحسب من ضمن فرض العباده

أبوعماد

10-29-2011 01:47 AM

ابنشدك عن مقبرة كلها أموات
حرستها بالعنف وإلا الهوادة

بكره تخليها بليا حسافات
ياللي تشب النار فوق الرمادة

علي حاسن

10-29-2011 01:51 AM

جندي المرور اللي يحرس الاشارات=يعرف مقاصيده ويعرف مراده
ايات تختارون وايات وايات=وخفيرها دايم مجهز عتاده

أبوعماد

10-29-2011 01:55 AM

شرواك مانقطع معاه العلاقات
ياصاحب العز والسمو والسعادة

لكن تعال وخلها بالسماحات
لإنته ولا آنا من رجال النكادة

علي حاسن

10-29-2011 02:06 AM

وش رايكم ناخذ مع بعض جولات=يم الحرم من اجل نطق الشهاده
بالله ويش اخر علوم اتصالات=هي طيبه ولا مكاسب قراده

أبوعماد

10-29-2011 02:10 AM

لي قلب(ن)أخضر مايعرف السلامات
يدخل عيادة بعد يترك عيادة

كله من أم عيون كحلا وسيعات
لكن والله مالحقها نقادة

علي حاسن

10-29-2011 02:15 AM

ياصاحبي يقلون بعض المحطات=بترولها ابطى وخثرب زياده
مير انتبه دايم لوزن البلوفات=بعض الاوادم راحتي في بعاده

أبوعماد

10-29-2011 02:18 AM

ياشاعر(ن)يلعب ميادين قلطات
شاعر ولايحتاج مني شهادة

بكرة ورانا يابن حاسن دوامات
وإلا سوالفكم على القلب غادة

وتصبحون على خير

علي حاسن

10-29-2011 02:20 AM

بيض الله وجهك شاعر معروف وغني عن التعريف

الساعة الآن 10:51 PM

صفحة 1 من 2

Ads Management Version 3.0.1 by Saeed Al-Atwi

تنويه : كل ما يكتبه العضو يعبر عن رأيه الشخصي ولايتحمل الموقع مسؤلية ما يتم كتابته فـ اتقو الله فيما تكتبون !!

This Forum used Arshfny Mod by islam servant