|
((.. من هو انااا..))
العــــيد هـــــل ونسمـــته تنخابي = تقـــــول سطــر فرحتــي و أكتبـــها ارســـم شعــــورك صفحـةٍ بكتابـي = و أختم عليها من الحـــــروف أعذبها عــندي ســؤال ٍ و أرتجيك يجــابي = لمست فرحك.. والا.. جنبــــت بها أسألك بالله قـــوم هـــات أقـرا بي = أما كسبت الكــــل ولا أكسبــــها أقــــول ياعيــــد الفـــرح منـصابي = جروحنا أفـــواج وأنـــت أقـــــربها لولا كتبـــك الله فـــــرح أصـحابي = مكنت نومي وفرحتك ما أحسبـها يمكن بصغـــري أنتظــرك بـبـابي = افــرح لشوفك و أرتجي و أرقبها واكشخ على الرفقه بحسن ثيابي = هي ساعتين و عـــــوده مـــخربها اما بهــــذا العمــر فانــت أدرا بي = وشلون ترجى فرحـه وتطـــــلبها امـــــة محمد غارقة بعتـــابـي = ومابه رشيد يذود عــن مكسـبها سطر لنا الافــذاذ شــــي يهابي = وبعنا المهابه وننتخي ما أغــربها كنا المعرف وانقلـبنا أغـــــرابي = كنا القياده وضعــــفنا شيبــــها ياعيد لاتلعب بهــم سحـــابي = الهمسه الي جات قوم اسحبها خلني أعــيد أخــوتي و أقـرابي = تكفى طلبتك وانثنــي لركـــبها من هو انا ياعيد وشهو جـنابي = أسأل لحى القامات و أشواربها 1 - 10 - 1433 هــ |
صح وصح كلك يابو عبدالله
جزل وابياتك جزله لافض فوك معايدة وافية من رجل وافي لاهنت ولاهان ماقلت |
صح منطوقك اخي ابو عبدالله القرني
نص رائع من شاعر رائع انت كل عام وانت بالف خير ***** ومودتي |
صح كلللك بو عبدالله
وكل عام وانت سعيد لاهنت |
من هو انا ياعيد وشهو جنابـي أسأل لحى القامات و أشواربهـا ـــــــــــ مختلف أنت مختلف ثلاثة اغراض بنص وااااحد أبا عبد الله ويبقى الحرف حبيسا النفس لا يفي ما بداخلي تجاه هذا النص صح ثم صح ثم صح كلك ولا هنت وكل عام وأنت بخير لله درك يافذ وفي أمان الله |
|
|
صح لسانك وعاد عيدك
دمت بود |
وصح بدنك وكلك وبيض الله وجهك ولاحرمنا منك والوافي انت تأصل فيك الوفاء بكل معانيه واشكاله لاهنت وعيدك مبارك يالغلااا |
الروعة حضورك ابو نايف وتواجدك شرف لاي محل تحله شكرا لك وكل عام وانت بخير |
| الساعة الآن 04:59 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
