الجوهره
نار الطموحات مس القلب صاليها=النفس البي طلبها يوم واعصاها لي حاجةٍ يشغل الخفاق طاريها=استوطنت في صميم القلب رجواها الجوهرة غاليه والكل يغليها= لكنها كايدة للي تمناها ادلجت هجن العزايم في حراويها= من كثر شوقي لها خفت اتعداها اسعد بها حلم واملكها واخفيها= واشقى بهاعلم واخشى الناس وارعاها اشيلها هم وآخذ وجد واعطيها= واسري لها الليل واروى شوق واظماها اكتب لها بيت شعرٍ هايمٍ فيها=واصبها كيف عاشق واتقهواها ارسم جسور الأمل بالفكر وابنيها= واغير الخارطه وأهد مبناها احلى القصايد على المقصود اغنيها= واحلى المشاوير ما وصلني حماها ابيع غير الكرامه بيع واشريها = اعاند ظروف وقتي واتحدها اعلل النفس واقنعها واهديها = من روعها اللي عثا فيها وعناها بانت نجوم السما لعيون ساريها= لولا ظلام الليالي ما نظرناها ياحادي العيس لالا ماانت حاديها= قدامك دروب ما تعرف خفاياها ارجوك تعطي سهام القوس باريها= من كان له صنعةٍ لابد يهواها ما همني ناس تسبقني بامانيها = طلابة الهون ما تغفر خطاياها |
شاعرنا الكبير والراقي > عبدالله الشمري
صح كلللللك يا امير الشعر قصيده جزله ونايفه وتستحق الوقوق بين سطورها والتلذذ بما فيها من معني .. شاعريتك اخوي عبد الله لا يختلف على علوووها اثنان سعادتنا بالغه ان يتزين جزل القصيد بتلك الدرر.. شكرا تتلوها اخرى على هذا الحضور الجميل طابت اوقاتك ومودتي |
دمت ودام نبض قلبك
نابضا باجمل العبارات لك ودي.. |
عبدالله إلشمري (سلطآن إلغ ـرآم)
شاعريه عذبه وآسره ترضي إلذائقه إلصعبه و قمه لـأيصلهآ إلـأ المبدعيين أمثالكك بـِ حق للشعر طعم آخر بيين أناملكك صح لسآنكك وقلبكك لـا خلـا ولـاعدم منكك توآجدك ... |
|
الساعة الآن 09:40 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir