أقري الرسالة والمعاني لعيناك=أجيك لو حبو ن وزحفن مع البرد
شدي المطايا خافقي وسط يمناك=ما همني حاسد ولا صدني سد
أريق من دمع الفرح لأجل لقياك=واصب من شريان قلبي لكم ود
يا جعلني قبلك ولا أشوف دنياك=إلا بوجودك نجتمع يد في يد
لا تحسبين فراقكم زان يا ذاك=روحي لروحك فدوة ن لا توجد
الليل وسكاكين هجرك وطرياك=هلّت بجمر الشوق يا بهي الخد
روح ن تبيك وما تبي إلا محياك=هاج الضمير ولا تباريه بالصد
ترفقي شَوفي هلك والجسد جاك=ضميه وإلا وسّدي خده اللحد
وإذا نويتي أذكريني بدنياك=طيف الشهيد اللي توفى مع الفقد
وترحمي قولي وفا لك وناداك=لا يا عساك السعد يا منبع السعد
ذكراك في ينبوع فكر ن تغذاك=ما ارتاح لحظه من فراقك ولك عد
تذكّري كانك تبي تذكري هاك=موعد لقانا جيت وافي مع الوعد
طويت اميالن لعينك ولرضاك=ضمت حنايا قلبنا ريحة الورد
يوم ن لبستي شماغي اللي تمناك=وأغار منها عليك يا مترف القد
وإلا الجرس لا رن فزّيت بحماك=بسمة قتيله يوم نادوا لك ابعد
حتى المطاعم شاهده آه يا تاك=يوم ن تقولي لا تناظر لهم رد
قلتي أحبك قلت وش زاد بسماك=قلتي سعادة كون والكون ممتد
قلت أذبحك لا جاب غيري مسماك=قلتي وفا وما ولد لك بعد ند
ما انكر عفافك حشمتك فوق مرباك=وشموخ روح ن هايمه تطلب الرد
وأوعدك من بعد الملاقا بفرقاك=والموت حاصل في ملاقاه لا بد
بهجر جميع الخلق وأحيا بذكراك=قوتي ألم إن كان بُعدك تأكد

الشاعر حسن مدهش السهيمى
صح لسانك على هذا الإبداع
تقبل مروري

و
احترامي

الرائع المدهش

حسن مدهش السهيمي
نص بالغ الجمال
ليس غريب على المدهش "حسن" أن يكتب بتفرد وتألق

من قراءة الرسالة لأخر حرف من حروف الألم / الشعر / الشجن
سكبت النبض والعاطفة وتفاصيل الجمال

لك الله يا حسن مدهش


صح بوحك وسلم نبضك
دمت بود

صح لسانك حسن السهيمي
نص رائع وراق لي لا هنت
تقبل مروري
جدار الصمت

ابن مدهش
يسعد مسااك ولله درك على هالمعزووفه
الرااااااااااااائعه نص جزل
وابدااع متجدد وحضووور ينومس والله
صح لساانك على هالابداااااااااااع وعسااك على القووووووووه