|
>> قـــــــصـــــــــة غـــــــــلا <<
السلام عليكم ورحمة الله وبركاته ضيف محب للإبداع وأهله وصل إليكم بناء على دعوة من الأستاذ الكبير /جابر السلمي أتمنى أن أكون عند حسن ظن الجميع . إليـكم مع التحيـة ,, متواضعة , أتمنى أن تنال رضاكم واستحسانكم , مدخل تعال ارقص على انغام القصيد اللي كتبته فيك=أنا لولا غلاتك ماكتبت الشعر وابياته زرعتك في بساتين الأمل نهر الوفا يسقيك=بنونك هادم اللذات وبنظرتك بصماته قـــصــــة غــــلا ياربْ عفوك . ياغفور . ويارحيم . ويا ودود=يسألك من يعلم بأنه يوم لاقي مصْرَعِهْ يسألك حُسن الخاتمهْ . موتةْ شرف . لحظةْ سجود=متمتع بعمرهْ لحج العفو غايةْ مطْمَعِهْ وإلا بساحات الوغى . ضد النصارى واليهود=رضاك غايةْ مطلبه وحُبْ الشهادهْ يدَفعِهْ رباه من للمذنب العاصي بظُلْمَات اللُحُود=رباه مَنْ يقْدَرْ بعد موته بدونك ينفَعِهْ الشعر ديوان العرب والناس للجزلهْ شهُود=لكن نذكر باختصار اثنين من أصل أربَعهْ شاعر يغُوص البَحْر يستخر درر ينظم عقود=وشاعر كما قال المثل ماودك إلا تصْفعِهْ بسم الغلا ظبي الفلا مايرحم قلوب الأُسود=والعاشق المغرم ترى قلبه ماتحميه أْظلعِهْ الغالي اللي لاغلا صافي ولا كله صدود=اهديت له قلبي وطن واقفى وشوقي يتبعِهْ مدّيت له حبل الوصل والعُود في عين الحسود=مدري زعل وإلا جهل في كل مره يقطعِهْ وحدايق الصبّر الجميل اسقيتها غيث العهود=وبنيت له بيت الأمل مادري وش أخرها معِهْ في غيبته بيض الليالي حالكهْ بالحزن سود=وليا حضر لو دوم عيني تنظره ماتشبعِهْ أحيان يقفي واعتقد جازم بأنه مايعود=لكن في لمح البصر يرجع وتنْهَلْ ادمُعِهْ فيه الحيا فيه الوفا فيه التواضع والركود=جمال طاغي دين واخلاق وأدب مُتْجمعهْ الطرف والمبسم هلاك القبر مابين النهود=سحر البيان ليا تكلم والسوالف مُمْتعهْ جمر الشفايف سالفهْ عنوانها ورد الخدود=وليا انتثر شلال ليله بالأنامل يرفعِهْ يهدي لي أشواك الفراق وينتظر صبري ورود=والحلم قبل يصير علم أعمى عيونه باصْبعِهْ قصةْ غلا ماعشتها واقع خيال بلا حدود=عند المنام استقبلهْ وليا صحيت اودعِهْ قلت العواصف ماتهز النايفات من الحيود=ازرع لأنك في النهايهْ تحصد اللي تزرعِهْ يارب سترك . يارحيم . وياغفور . وياودود=لطفك . وعفوك . قبل أبو هايل يلاقي مصْرعِهْ هليل سليمان السلمي دمتم في حفظ الرحمن |
آلله آلله آلله هي رآآآئعة جدآ وزآد من روعتهآ اسم (غلا) هالاسم احبه موت لانه اول معرف لي ولان احبتي ينادوني به حتى في البيت صح لسااانك على هالرقي والابدآع والجزالة |
اهلاً بـ الشاعر العريق / هليل السلمي .. اطلاله وبدآيه قوية نحرب بـ حضورك .. ونبهج لـ وجود شآعر كبير بيننآ بـ حجم ثراء كلمآتك و ابياتك ,,
صح لسآآآآآنك مليآآرات .. قصيدة اغنت عن بطآقة تعآرفنا عليك .. بل كآنت تقديم سيره عن سموكم بـ تلك الاطلاله .. اهلاً بك بيننا وانضمآمك الى جزالة شفق خآصه .. والى منتديآت شفق الادبيه عآمة .. تقديري و تقييمي و ختمهآ بـ خمس نجوم مطرزه من سماء شفق .. |
الله الله ابو عناد هنا يا يكبر حظنا. عزالله لنا الشرف. بوجودك. معنا. ولا باقي الا خالد حتى تتكتمل. الفرحة وهذا عاد عليك يا ابا (عناد) اما القصيدة. فلا جديد. هلال الشعر. شاعر معروف بجزالة. شعره ولن اقول الا صح لسااااانك مليارات وسوف ابقى هنا مستمع واكرر الترحيب. فيا هلا. بغلا. وشاعرها |
صح لسانك واعتلى شانك
اخي هلال الشعر ( ابو عناد) قصة غلا >>> نص فخم بما تعني الكلمه حوى الشعر بكامل جمالياته من المدخل كان فاره.. راقني كثير وما تمل قراءته .. شكرالك بلا حدود على هذا الجمال الشعري البهي سعداء بتواجدك بيننا وتشريفنابالحضور والشكر موصول لمن دعاك تقييمي والفايف استارز + ختم التميز ومودتي ، الشفق |
هلال الشعر حياك وحيا مصافحتك اخي العزيز وحيا من كان السبب في تواجدك بشفقنا فألاخ جابر مبدع وانتقائي ان كان في الشعر وان كان في الاصدقاء اخي هلال ليس بغريب عليك الابداع اتمنا ان لاتبخل علينا بكل ماهو جديد وجميل صحيت وصح نبضك ولافض فاك واجدد الترحيب كان هنا رمضان المنتشري |
الحمد لله الذي أكرمني بتواجدي بينكم في هذا الصرح الشامخ فلكم مني جزيل الشكر والتقدير والإحترام على مروركم الراقي وكلماتكم التي تسلب الألباب والتي جعلتني أعانق السحاب فخراً أكرر شكري وتقديري وأتمنى أن أكون دائماً عند حسن ظن الجميع باقة ورود الغلا والشكر وأجمل عطور للي تشرفت بحضوره وخط قلمه دمتم في حفظ الرحمن |
الحمد لله الذي أكرمني بتواجدي بينكم في هذا الصرح الشامخ أسعدني كثيراً مروركم الراقي وكلماتكم الغالية وأسلوبكم المميز الذي أنار متصفحي فلكم مني كل الشكر والتقدير والإحترام على هذا الحضور الذي أعتبره أغلى وسام وأتمنى أن أكون عند حسن ظن الجميع أكرر شكري وتقديري دمتم في حفظ الرحمن |
هلال الشعر في البداية ارحب بك اجمل ترحيب فاهلا وسهلا بك واهني منتدانا بوجودك بيننا قصيدة جزلة منك اخوي ابو عناد ولست انا من يقييم شاعر بمقامك صح كلك ثم صح كلك ثم صح كلك ولاهنت |
هلال الشعر ما شاء الله تبارك الله ابيات جميلة من شاعر جميل صح لسانك بارك الله فيك وحفظك الله من كل شر |
| الساعة الآن 10:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
