( مداهيل الغلا )
|
يامداهيـل الغـلا والجـود وأسـرار المعانـي=أشتعل جمر القصيـد وفـاح ريـح الشاذليـه ماكتبتك من فـراغ ولا قريتـك مـن لسانـي=سافري بي سافري بـي ياللحـون السامريـه بارك الله في وفـاه وبـارك الله فـي زمانـي=الزمان اللي منحني مـن عطـاه أغـلا هديـه في عيونه زود شوق وثـورة أحـلام وأمانـي=وفي خفوقه حس مرهف بّعثر الاحساس فيّـه جيت لاهب النسيم العذب لو ماحـدن دعانـي=أسبق الخطـوه وشوقـي مستهيـم الراعبيـه صوتها قبل أنتبـه (ياهيـه) بالغفلـه خذانـي=والتفت مجنون ليلى؟ ويـن ليلـى العامريـه ساقني مع نبـرة الصـوت وترانيـم الاغانـي=وأحتويته كلمتين . ونبضتين . وصـدق نيـه ساقني عطر الشمال وصوت شيـخٍ مرحبانـي=أعشق التاريخ من شأنه عسـى أيامـه مدّيـه له مع الموعد حضور وله مع الهاجس مكانـي=كل ماشب الغـرام وضاقـت الدنيـا الفضيـه أرتويته مثـل ماهـو فـي معانيـه أحترانـي=أكتبـه صـوتٍ يمثـل ذات والنيـه مطـيـه أن قريتـه ماكتبتـه وأن كتبنـي ماقـرانـي=كن نبـض قلوبنـا خـارج نطـاق الجاذبيـه أذكره في كل لحظـه مانسيتـه لـو نسانـي=له من أشواقي سلام وله من أعماقـي تحيـه دام علمني بوصله كيف ؟ وش يعني التفانـي=له علّي انه يعيـش بخافقـي عيشـه هنيّـه الحبيب اللي عطاني نبـض قلبـه وأحتوانـي=هام بي صوب النجوم وصرت لنجومه ضحيـه يستحق أعطيه قلبـي مثـل ماقلبـه عطانـي=يستحق أعطيه كلي زود مـن فـوق العطيـه هو طموحي في حياتي .. هو بعد عمري حناني=والله أنـه فـي عيونـي ساكـنٍ ذيـه وذيـه مالكٍ روحي وفكـري مامعـه بالقلـب ثانـي=عايشٍ داخل أعروقي ولكثـر أشعـاري هويـه الله اللي لي هـداه .. والله اللـي لـه هدانـي=ماغدى بالحب أنانـي كثـر مابـه نرجسيـه داعبيّه بريحة الشيح الخضر والزعفراني = سولفي له ياذعاذيع الشمال الموسّميه قولي أني مانسيته ساكنٍ حدب المحاني = يرتوي نزف الخفوق ودمعة الفرقا عصيّه ماشربت الصبر لو مالشوق من كأسه سقانـي=شربةٍ تقطع ضماي وتفـرض الموعـد علّيـه وكل شكري للحبيـب وكـل حبـي وأمتنانـي=دامه أعطاني بحبه .. عـن سـواي الاولويـه . |
وحن ارتوينا
بسمو اطلالتك من جديد شاعرنا الجميل المبدع منصور الرويلي لا فض فوووك جمال على جمال لا عدمنا حضورك ساوشمها بختم التميز وتفييمي واعاووود الاستمتاع بها سماعا وقراءه .. شكرا لحضورك المترف بجمال الكلمه وتقديري ومودتي ، الشفق |
مبدع .. و ,, شآعر جزل ......
الاستاذ الشآعر / منصور الرويلي ,, قصيدة وآرفه ومليئه بـ المعآني والتصورآت ,, حضور مليء بـ الجمـآل مبدع لا عدمنـآ هـ الاطلاله تقييمي وتقديري وختمهـآ بـ التميّز ,, إمتنآني لـ حضورك الوآهج سمواً وإبداعاً ,, |
صح لسانك
رائعه واكثر لا هنت تقبل مروري جدار الصمت |
صح الله السانك واعتلى شأنك ؤسلم بنانك
قصيد جزل ممن شاعر جزل |
صح لسااااانك شاعرنا المبدع والكبير
قصيدة غنية بكل جماليات الشعر دام عطاءك ولا عدمنااااك |
صح لسانك منصور ابدعت
تحياتي |
شاعر القَدير .. منصوُر الروُيلي
عانَقت الثُرياَ شِعراً واحساساً أَبدعت يامُترف القصصِيدْ صَحت يَمينك الَمٌبدِعه وقلبك النابضّ بالَجمالّ سننتظر جديدك دائِماً وديّ .. |
صح لسانك رائعه بروعة حضورك ودي |
الساعة الآن 12:24 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir