علامك ياخوي اخوان= خبرتك منت خواني
تراني في كثير احيان=احب فلان وفلاني
غازي الفكر
يمكن خيالك تعدا وان مدى الزمه
لكن حاول تراها ملزمه ملزمه
وان عاند الحظ ماهو لازمٍ تعزمه
واللي على خاطري يبقى على خاطري
علامك ياحفيد الجان
تكبرها وهي داني
شوف المقسوم ياشفقان
وهد اللعب بالعاني
الشفق
حنا مثل ماعزمناهم لنا يعزمون
في وقتها ماسمعنا يومهم يزهمون
والحين في شوفته ما هقوتي ملزمون
واللي على خاطري يبقى على خاطري
لاني جاني ولا غلطان=ولاني حيل عدواني
عقب ماصار في شعبان=قطار الشوق عداني
غازي الفكر
الشرط بالشرط ماهو لازمٍ يكرمون
واذا تراوت على المقصود فانت تمون
ولا تحط القلم في كف من يرسمون
واللي على خاطري يبقى على خاطري
كبيره ياشبيه الفان
تكبرها وتنساني
بخيل وقابلك فقران
ولا تعطي له مكاني
الشفق
الشرط مثل العهد نوفيه لو هو شرط
وان خل بالشرط مالفيت به للشرط
حاول يعّلم بقلبٍ خالفه ما انشرط
واللي على خاطري يبقى على خاطري
اقول عوذه من الشيطان=وحزبه ما تبلاني
ولا امشي سكة الخذلان= انا ي كثر خلاني
غازي الفكر
شرط شرط عادتك ولزامها مطرقا
الله يعينك وتشفا من سهوم افرقا
وتعاود الركض بين الناس وقت اشرقا
واللي على خاطري يبقى على خاطري
حليلك مابك الطمعان
وانا ماني بصفقاني
احاول بس مو طربان
وادير القاف بتقاني
الشفق
اللي ركض مالحق إلا إذا الله كتب
هذا مثل سجلوه بغاليات الكتب
تبت يدين الضعيف اللي يبي الملك تب
واللي على خاطري يبقى على خاطري
اذا تقدر وانا الشيهان=تحديّتك تعداني
ترى الليله بدت شتان=بين العاشق وطرباني
غازي الفكر
يالليل يالليل ياليله وطرق اشدوي
حليل ملكِ يحاول في طروق ابدوي
شيهان مالك وبطنك معدوي معدوي
واللي على خاطري يبقى على خاطري
اشوفك صرت من شجعان
تحداني ولا تعاني
اشوف العمي والصمان
كفاني كثر ماباني