الامــال كـبـار والـدنيا صـغـيـره
والـزمـن يـومـيـن لك ولاعـلـيك
روح خذ بالكون لك جوله كبيره
تـعرف اللي مايبيك وومن يبيك
انـا لـي خـبـره مـع عـالم كثيره
من يبيعك صعب يرجع يشتريك
علـم اللـي دائـما يجهل مصيره
لـوتــدهـور مـــوقـعـه لايــزدريـك
الـبـشر ماكل واحـد مـثل غـيـره
قيس بصحابك وبن عمك واخيك
تلتقي فيهم رجاجـيـل البـصيـره
الــذي يــوم الــمـلاقـا يـفـتـديـك
وتلتقي بين البشر عالم خطيره
ودهــا تـنـشـب وتـتـفـرج عـلـيك
عادة الصقار يعرف طـبـع طـيـره
مثل ماتعرف حقوق امك وابيـك
انا راعي حكم كم قال الـوزيـره
لا تــعـالـيـتـه تـحـمـل مـا يـجيك