[ALIGN=CENTER][TABLE1="width:100%;background-image:url('http://www11.0zz0.com/2012/10/29/14/592718636.jpg');"]
ياحظ كثر العنا وشهو على شانه
(و)وش هو مصيري في وقتي التالي
من ضيقة الصدر كني وسط زنزانه
لي عام واكثر وانا متغيرن حالي
نفسي على الخايع الممطور ولهانه
وعن زحمة الناس ودي بالخلا الخالي
تغيب عني هموم القلب واحزانه
لا غاب عن تغطية الأرسال جوالي
وتوانك الجيب للمطراش مليانه
لكنّ وين الخوي اللي على بالي
اللي أصول الصداقه معه منصانه
ماهوب مره رخيص ومرةً غالي
بيني وبينه صداقة ود وميانه
وإن ما تهيا قطعة الفرجه الحالي
ما دام نفسي على المنهاج نشطانه
بهدي لها جل وقتي وارخص المالي
واقطع فجوج الخلا واشوف حيانه
واسج في كل خبت مابه ازوالي
وسمعت طير الحمام ايكوسر الحانه
وشمس العشي مالت وخالفني اضلالي
وارتاح لارخى ظلام الليل جنحانه
وجريت جمر المنارة تحت معمالي
اسج واسري بفكري واطلق عنانه
يحلالي الليل والتفكير يحلالي
افكر بصنع رب الكون سبحانه
ويمضي بي الوقت وانا دالةً سالي
يومن بعض الاوادم صخر اللسانه
لمجالس اهل الخنا والقيل والقالي
زين له ابليس عرض فلان وفلانه
يبهت ويهتك عسى مافاله بفالي
صحيح بعض المجالس مالها خانه
والبعد عنها بجو البعد أشوالي
يــآ حبيبي ترى الحـب آنتهى ..
مـآ بقى من محبتك ثمـــررة ,,
لآ بغـيت آذكررك قلـــبي سهى ..
مـآ بقى منك شي(ن*) يذكره ,,
فيـك صغـت آلـقوافي كلهـــا ..
فيك شعـري تسسـابق نـدْره ,,
فيـك روح الغـرآم و ودهــــا ..
مع وليف(ن*) خذى منـك حذرهـ ,,
غـــصت جزر آلبحـور و مدهـا ..
و اسـتفدت و كسبـت المـغفرة ,,
الـمحـبة مـــآ يكشف سدهـا ..
و أنــت هديت جدرٍ نعــــمره ,,
ليـه ضيعت يـا عين المـهـا ..
قدرك آللي لا يمـكن ننكـره ,,
كـــــم صبرنـا و ذقنــــا مرهــا ..
و أنـت مـا تشعر آللي نشعـره ,,
مـير ذا الحين جـت في وقتــها ..
و آرجـــوا العـــفو عند المـقدرة ,,
لان حـبك من القـــــلب آنتهـى ..
مــــا بقى من محبتك ثمـره ,,
|