( غيمة الشوق )
يالغيمـة اللـي تعلـت فـي روابـي الهـدا
هلـي بقايـا غرامـك كـان باقـي شفـيـع
عشرين عام رمتني فـي غيابـك سـدى
تشـوّق الـورد / هتـانـك لـحـلّ الربـيـع
صبرت وايقنـت ان الصبـر مالـه مـدى
وان المحبيـن لا طلـوا غـلاهـم فضـيـع
الا بكـى القلـب / رد العقـل سجـل فــدا
عـام ورى عـام والعالـم لوصلـك تبيـع
نهاري اقضيه / بيـن اصحابنـا والعـدا
والليـل لا حـل حملنـي بمـا لا استطيـع
عقديـن مـرت / وقلبـي لا ذكرتـك غـدا
يعزف سوانيـه وهمـوم الليالـي تشيـع
وكـل مـا هـب نسناسـك / وطـل النـدى
ابكـي مثـل مابكـي لمـه فـواد الرضيـع
والطيف لا زارني بالـروح رد الصـدى
ياعازف النـاي هونـك فالحنايـا تضيـع
لاهي سوالف منـال ولاهـي بحـة نـدى
اتـردد الأذن همساتـك وتنسـى الجميـع
ياهمي اللي / لو انك / فوق قمـة شـدا
كان الجبل طاح وطروق التهامي تريع
الـى متـى حالنـا / ياشيـن حـظ الـردى
كل ما نوينا يزين الحـال جالـه صقيـع
فإن غبت بالفكـر ابحـث/ للخبـر مبتـدا
تضيع فيني الخطـى ماكنـي الا صريـع
ياغيمـة الشـوق / تكفـي لا هلالـك بـدا
هلي من الديـم /حتـى يستفيـق الربيـع
مخرج
عطيتك الحب واحساسه وجتني طعون...
......وانا الذي كنت اظنك راحتي لا عطيت
وفيت ه / ياقلبي المتعب وقلت ه يمون.....
.... وبعدها قمت تصرخ غلطتي اني وفيت
شعر
احمد المنتشري
بوح القصيد
3/10/2011م