[الشفق]

الشوق الطاغي
*

عيني بعينك واحمر الموت دونك = احرجتني تنظر وانا بين ناسك

انا استحيت قلت لا يعاتبونك = وانت الهوى طاغي وحاضر براسك

ماشفت غيري؟ ليش جنّت جنونك؟ = ياحظّي البايس و يا قوّ باسك

ياعاصفة حبّي غشاني سكونك = من شفت زلفك ما سترها لباسك

سكران غيّ وشوّقتني فنونك = اعلّ كاسي شوق من فيض كاسك

ياليت ما تبرى بقلبي طعونك = لا للملام ان كان يجرح احساسك

ان سجّلوني من ضحايا عيونك = فداك ياقاتل بساحر نعاسك

قبل الفراق اخاف تقفي ضعونك = تقتل طموحاتك بثورة حماسك