بيع السوالف ..!
*
ياللي تبيع السوالف شوف مشواري
يمكن تهادى مع الشوفه وتنويره
الان شفني على الكمبود متواري
ابحث عن الطيب مادور على غيره
ان كنت ناوي بصدق وترغب حواري
تحتاج تحضير ..حيل.. ويالله الخيره
لكن قبل الحوار ومقعد اجواري
تذكر الستر لاتبدي على اسعيره
هيهات ياهيه تبني ..حيد واسواري
والفكر قاصر عسى الله يبعد الغيره
اما اذا الهرج وجهة صيت وانواري
دون سجلات مجد وحسّن السيره
صعبه بهرحك تفرق صحب ببواري
محدن يصدق شبيه الثمل وسريره
الفرق شاسع وشوف العين عواري
ماطاح نخل التمر من فرفرة طيره
لكوكب الارض ميزه تشبه اشواري
ماطار منها.. رجع فيها.. بلا حيره
تشكل الغيم منها ..للنظر واري
يعود فيها.. ويحّيّ.. الزهر وعبيره
ثلاثة ارباعها.. اعماق واغواري
تحتاج عالم .بها. وبحورها خطيره
هاذي تراها فقط تعريف وطواري
والكامل الله وغيره دوم له ضيره
يامبلش الخلق غيرك يبني ادواري
بالفعل والصدق ماهو هرج وشخيره
ماكل من يلبس الاثواب متواري
وماكل من ينطق الكلمه غلب غيره
*
*
علي المنتشري 5/5/1434هـ