نصيحه عابره..!
*
حكمه وجتني مبحره
دون البلاغه في الظهور
لكنها.... جت مُجبره
وعاندت حتى الشعور
الشوف شوفٍ وحدره
واللب ما بين السطور
في عاذلٍ.. لو تخبره
يعبث ويخلق لك قصور
في الوجه مادح مجهره
وفي القفاء مثل النشور
يمشي على ظل اشعره
ويشوفها نخله جسور
حاسد على شقف اتمره
كاذب على كل البحور
جاهل... وفعله بعثره
غذاآه ..دايم من قشور
عايش.. بفكرٍ مـ افقره
حتى على علمه حسور
يشوف نفسه مخبره
نسا ..عقولٍ به تدور
ودي انصحه واخبره
عسى تثبت له جذور
افطن ..لعقلك واعمره
واختار للجوهر بذور
خبَّر خفوقك وإشعره
المرجله.. قصرٍ وسور
وهاذي.. نصيحه مبحره
حتى الغراب من الطيور
/
\
/
علي المنتشري 21/11/1433هـ