خاااف ربك..!
*
ياعديل النفس قلبي ماشكا
موقعك وتربعك ياعذب فيه
إنشد الشريان لا سال وركا
عن غلاتك يابعدهم وانت بيه
بس هونك إن سالته واحتكا
لايزيد الشوق من صوتك عليه
لك فيافي راحته ود وزكا
هم بعد الصدر موقع لك رضيه
عمر خلك من غرامك ماحكا
دام طيفك في خفوقه مقتنيه
ليت رمش العين ماظلل بكا
كان شفت الشوق في خلٍ يبيه
كثرة الاحكام وفنون الذكا
اغرقت قلبي غلاتك يانبيه
وكلما شكك فوادك مضنكا
زاد هم الود في قلبي لضيه
خاف ربك لا تزيد المشتكا
واترك الأيام تثبت ما تبيه
علي المنتشري