ماجور ياشيخن يقود الطوابير
*
ماجور ياشيخن يقود الطوابير
ماياصلون الناس ماطا نعوله
كريم سبلا مايحسب المخاسير
لو عاش حاتم مابيوصل فعوله
اذا وقف مثل السيوف البواتير
واذا جلس كل البشر ينحنوله
يرسي كما ترسي كبار البوابير
واذا بغى شي بامر ربي يطوله
واذا حكى كنه يقطر مغافير
واذا سكت يوجد فصمته بطوله
جعل المرض ياابوي للذنب تكفير
والله عنك يااغلى الخلايق يزوله
الله يبشرني بحلو التباشير
سلامتك ورضاك ياابن الحموله
هذي قصيده من محبه وتقدير
في شخص يثبت ويش معنى الرجوله
وصلاة ربي عد هب الاعاصير
على شفيع الخلق يوم المهوله
وسلامتكم
.
.
.