[table1="width:95%;background-image:url('http://shafaq-e.net/file/direct/t/99201373326550');"]
1- العمر فيّة عصر ماعاد باقي كثر ماراح
والشيب مخلاب صقر وناب ذيب وسم حيه
/
2- والذكريات انتزاع الروح من مخزون الافراح
بذبذبه من خلايا الفكر للروح الشقيه
/
3-وذكرياتي ولوعاتي لها مغدى ومرواح
ماتحضر الا تسجل لي نهاية مسرحيه
/
4-البارحه فز قلبي يوم برآآآق الحيا لاح
من بعد طووول الجفاف احتاج فرحه موسميه
/
5- فيني ضما شوووق وسنين الغرآم عجاف وشحاح
واللي مجرب ضما الاشواق مايشره عليه
/
6- وجدي على من رمت قلبي ورى ضبه ومفتاح
دخلت سجن الغرآآآم بدون جرم ولاقضيه
/
7-بأسباب من عطرت سمعي بصوت(ن) عذب ذباح
لكنها جددت كل الجروح الاوليه
/
8-لو المحبه مرض يحتاج له مشرط وجراح
اماتعالجت والا آرد على حوض المنيه
/
9- بين اصطدآم الرجا بالياس والضيقه بألامزاح
وتشبثي في غلاها وانهيار المعنويه
/
10- احيان كن السما تقطر دما والعالم اشباح
واقول معذور والذمه من الذمه بريه
/
11- تعبت من حبها واحبها والسد ماباح
الشوق ماهو بعادي والمحبه سرمديه
/
12- قولو لها لايطول بعدها طاح الحطب طاح
انا المتيم بها وانا المضحى والضحيه
//
وســــــــــــــــــــــــــــــــــــــــــــــــ ـــلامتكم
رمضان المنتشري
1434/8/29@ | [/table1]