*
( جروح الروح _ وش ننتظر ؟ )
مسافر أنا ؟ باقي أنا ؟
يامنيتي باقي العناء
وحبيبي اللي ما درى
باقي هنا
00000000000
في رحلتي باقي دقائق تبتدي
وساعة الصفر وقفت
وش تنتظر ليه ما مشت
الشمس غابت واختنق نورالأصيل
وهذي السواري صوتها كأنه رحيل
كأنه أنين
والشمس غابت واختفت
والقمرى اللي ما بدت
وش ننتظر
والمركب اللي ينتظر ساعة رحيل وهذا الحنين
ونظرة حزين ياماتعنّت
ما شكت
ياما بكت
وهذي الحبيبة ما درت
000000000000
وش ننتظر
الوقت يمضي والمراكب أبحرت
والعبرة اللي تحجّرت
داخل عيوني من سنين
سالت سواقيها على الشواطئ واذرفت
ونظرة تعانق طيفه الحاضر بروحي سرت
في رحلتي خطوة أبت
وخطوة غدت صوب الضنين
وزاد الأنين
000000000000
باقي أمل !
باقي أمل في خاطري ينتظرها ماحكت
يامركبي خذني معك وأبحر على صوت النوارس
اللي بشوقي زغردت
وهذي الحبيبة ما حكت
والشمس غابت والحبيب ابطى
وعيني تراقب هالضنين
وقلبي بزفراته حنين
وخطوتي خطوة طفل
يلعب على الرملة وطين
مرة تغوص ومرة تفوت
ومرة تنادي
يالضنين
00000000000000
وش تنتظر
هذي الحبيبة طولت
يامركبي خذني وسمعني
وحرك القرص المخزن
سمعني
يابنت النور
((أنا عيوني على سورك ))
00000000000
وتحرك المركب
وهناك شاطئ الراحلين
شفت العبث والمجرمين
شفت الماسي
تكررت
في كل ساعة اوشكت
تنذر بذبح الهاربين
وصوت المدافع افزعت
كل الثكالى والمآذن
والجنين
وأغصان تهتف ياحطين
ياماضي الأجداد
يوم كانوا مسلمين
كيف صاروا
كارهين
كيف ذبح الصائمين
في بلاد
المسلمين
يأرب لطفك
من جنون العابثين
وش ننتظر
000000000
يمكن
نصوم ويمكن نموت
ويمكن
نفوت بالعاصفة
ونصبح
بليا
عاطفة
وتنتحر
أشواق
كل العاشقين
همســــــــــــــة
في داخلي أحس قلبي يباريه
وليا ذكرته صبت العين ماها
أبحرت في بحره وغابت شواطيه
عن ناظري والليل غطى سماها
ما طاعني قلبي وأنا كنت ناهيه
واليوم ضاع العمريطرد ورآها