الله يفضحك ياوجه الردى مرتين!!
*
سلام تسليم وابدا بالبشر من اليمين
يكتب بماء الذهب ذهاب والا اياب
واقول يا الله تنصرهم على الظالمين
بنات والا رال شيبان والا شباب
واقول للونعم من الناس طول السنين
عساك تحيا وتسلم يارفيع الجناب
فعلك يجمل وقولك فالمواقف ثمين
مثلك نهار المزايديزهمونه وجاب
والا الردي لارحم يوم الشدايد يلين
ماتلتقي له وجود الا نهار الكذاب
حتى كلامه تفتش ماتلاقي سمين
يهرج ويضحك وقلبه مثل لون الغراب
الله يفضحك ياوجه الردى مرتين
مره بدنياك والاخرى نهار الحساب
وصلاة ربي على المرسول للعالمين
عداد ماقد كتب واعدادهبد السحاب