لسآن غآمد ,,
ياسلام الله على اللي ناوين درب الزعامه
عـد همال القنوف اللي يشوق العين ماها
منهــو اللي لابدع طاروق يبـدع في كلامه
بالبيوت اللي على الهقوه تحدد مستواها
الشفق ,,
مرحبـا ي لسـان غامـد ماتجاهلنـا سلامـه
مرحبا عدان ما هلّت مزونن من سماهـا
في ميادين الشعر حزنـا التفـوق والعلامـه
نروي كبودالشعر لامن لفونا من ضماها
لسآن غآمد ,,
البقاء ياللي ترحب صاحبك يكرب حزامه
مزنتن حلــت عليكم رعدها يسبق غشاها
صاحبك لاقال هــرجه كلمته توفي مقامه
الجهات اربع ولامــن قال له كلمه حماها
الشفق ,,
حـي مـزنـه ماحجبـهـا ســود لـيـل ولا عتـامـه
ي عساها دوم ديمه ي عساها ي عساها
الـكـلام الـلـي يجـمـل عــاش لا يــوم القـيـامـه
وكــل كلـمـه مــا تجـمـل لاحـيـاة لـمـن رمـاهـا
لسآن غآمد ,,
عشـــــــت يانور القمر ياحلى بدر تمم تمامه
لو نجومك يا ســـــــمانا ماحدن قبلي حصاها
بنشـــدك عن حرب ماقامت كما حرب الرغامه
ياعمــيل الخيــــر وش رايك نبي نطحن رحاها
الشفق ,,
الرغـامـه حــرب سـيــفٍ لا عـقــال ولاعـمـامـه
قد خذت ي صاحبي مـن قدمهـا والا وراهـا
مير بعض القوم هابت ليه ي مال العدامه
ودهـــا درب الـسـلامــه لـلـسـلامـه مــــا مــداهــا
لسآن غآمد ,,
يافكر ياللي تنسي شاعرك جل اهتمامه
السيوف الثلم حاميها عن العالم خباها
ودي اسميك ابوزيــــد الهلالي يا سلامه
عندنا طب القلوب اللي صعيبات دواها
الشفق ,,
الفكاهه مآخذن عصر الفكاهه ابو دلامه
ثــلـــةٍ راحـــــت زمــــــان ولالـحـقــنــا ع ذراهــــــا
ي لساني الشعـر عانـي بالـغٍ قمـة سنامـه
وانت وافي مابلغت مـن العلـوم الا علاهـا
لسآن غآمد ,,
الفكاهــــه عصر ابو نـواس لا داعب حسامه
بين طيــــات الكتـب قصة تشوق من قراها
ياصروح الشعر شاعر بصمته جت من بهامه
من نوو فيــنا العشاء سابقه في لقمت غداها
الشفق ,,
النفوس اللي استماتت ف الدفاع عن الكرامه
حـقـقــت نــيــل الـسـمــو لـــــو مـاتـحـقــق مـبـتـغـاهـا
لا تهمـك لـو تـهـاوت روس فــي بـحـر النـدامـه
تنـدفـن فــي زمــرة الـشــر ومالـفـاهـا مـــن رداهـــا
صحّت الآلسن شعرآءنـآ استمتعنآ بـ عزف الضآد هُنآ ,,
لآ عدمنآكم ,,