الوهم والسراب
ماللمحبه طعم وماللضلوع وشاح
ياقلب ياهادي ليتك معي مرتاح
صمتك يشرّحني ويشرّح اجزائي
كلي تبعثر دم وانمحيت اسمائي
لاني بهمسة حبْ
ولاني بنبضة قلبْ
ولاني طبيب جرّاح
يعني كلامك جفا تحت الرماد اسرار
يبقى الوهج في السما لو عادت الأمطار
حبي نبت للوفا من عانق الأزهار
وصورة غلاك احبسه في داخلي تذكار
مهما عليّ تقسين
ومهما بعد تنسين
فيك الهوى ذّباح
اضحى الورق يابس وكلّ السواقي نار
ووجه السما اسود وبركاننا ثوّار
معقوله حبك كذّب
ولاّ الزمن غدار
ولا آنا بس حسْاس
ياحزني المجتاح
ياللي بحضن الأمل بيدينك المفتاح
حب وكآبه وكدر تستاحش الأفراح
الصوت لو يحترق
فايض بكتماني
لملمت ارضك غلا
وانا بحرماني
يالايمي ذا انا
في دنيتك سواح
سوّاح لو تبقى طول العمر سوّاح
وتلملم اجراحي وتهديني الأفراح
تكفي طيوفك شفا
للي يحب الوفا
دربك عذاب وجفا
وانا معه مرتاح
شوفي وش اللي بقى واللي بقى قد راح
وشكثر طال المدى واللي بنيته طاح
اركض وانا اتبعك
حاولت ما اخسرك
آهٍ على قصتك
فيها الوجود انزاح
بكّيتني بكلمتك واحرقتني بحرفين
صمتك مع جيتك ماتجمع الاثنين
عيونك بها لي شيّ
صمتك كئيب شوي
ليتك تحس بقلب من كثر همه بآح
هذا الفراق الصعب يالرّوح لو تدرين
حكم القدر حدنا عاند معانا سنين
ياموج بحرك ندا
والحزن فيني بدا
ماتت امانينا وبرق الأمل مالاح
راضي بحكم القدر ياجمرة الأعماق
حبك جنون وسفر باقي معك مشتاق
لو غبت كل العمر
اسمك حفرته حفر
وقلبي عليك انفطر
يا آغلى زمان وراح
بودعك واترك لقانا يفترق
آه على جمرة وداعك يالخفوق
بودعك واترك وداعي يحترق
وبتحترق بمودعك كل العروق
نكتب على احزاننا
جرح المشاعر
ضمنا..
حنا اللي لمّنا هالقدر..
ولاّ القدر مالمنا ..
ويلاه ..
ويلاه ..
ياغلى زمان ورآآح ...