اتصل عبدالله ولدي الساعة 11 من شركة الناغي
يراجعهم من 4 شهور هم والتأمين وسيارته بدون مراية يمين
ههههههههههههههههه
المهم اتصل وشعرت ان نبرة اسسلام تلك التي احسها بصوته
قلت خلك عند الباب الحين اجيك
نص ساعة تقريبا
دخلت لقيت العالم بكل مكان ومن له 3 اشهر ومن له شهرين
المهم وقسم بالله لاشعوريا
اصيح على الموظفين وبكل ماأوتيت من قوة
أنتم وش تسسوون
ليه ضايعين كذا
وين التنظيم
ليه هالناس ملتمين كل مكتب حولة عشرين
وعلى المكتب الاول :
انت من ؟؟
ههههههههههههه
قال مندوب اقساط
والناس ذولا وش وداهم لمندوب التأمين ومندوب الناغي
انت وش شغلك
تعرق وش وظيفتك ووش مهمامك
واوصل لمندوب شركة التأمين :
لقيته واقف ويطالع فيني من اول
العالم كله يطالع صراحة
هههههههههههههههه
توني اجلس
الا جالس معاي وقدامي واحد حضري كبير سن
قال الحضري :
صم ياولدي
قلت : صائم ابشرك
قال تعوذ من الشيطان :
اعوذ بالله من الشيطان بكل حزة ومكان الا بهذه اللحظة خله ياعم احتاجه
واضحك
تبسم الشايب
وقال والله من شهرين وانا رايح جاي ومن وين من قرب الليث
المهم :
والله صارت خلية نحل الين عطوني التعميد وخلصوا لي كل شي
الخلاصة :
فوضى دقيقة قد تحل شهور وسنين من المشاكل
هههههههههههههههههه
ومضة :
عند وصولي للمنزل اكتشفت اني لابس بكل هالجولة (( الزنوبة اكرمكم الله ))
يحلف عبدالله ان عليها صوت رنان على بلاط الوكالة اطلق من طراطيع العيد