هلابك يالغرام اللي تأثمت بحشا مغليك
تعال اقلط وسط روحي وسط مرباع وجداني
تعال اقذع مواجيعي بلح صفري ومد ايديك
تقهوى من فناجيل الدموع ودم شرياني
هلا والله هلا باللي تعبت وماتعبت ارجيك
عيونك قبل ماتوصل وطاريها على لساني
تصدق تؤنا كنا على فكره نسولف فيك
انا والجرح واحساس الغياب اللي تبلاني
سواليف الوله جابت بنص السالفه طاريك
وقال الجرح ياغافل ترا خلك لقا ثاني
ضحكت وقلت فال الله ولافالك اهب عليك
حبيبي لويطول البعد ماضنيت ينساني
وقال احساسي المتعب تصبر والعلوم تجيك
نظرت وقلت ياحساسي ثلاث شهور ماجاني
وفجاءه تلمحك عيني الا ياجعلني مابكيك
عقب ماقلت خليته لخلانه وخلاني
انا قايل قبل ترحل في ليلتنا الحزينه ذيك
مصير الحي يتلاقا ومصيرك يوم تلقاني
تقرب اعطني آخر سواليفك وانا بعطيك
علومي واخر اخبار الغياب وقصة احزاني
كثر مابعت صدقاني وخلاني عشان اشريك
كثر مااستحملك صبري وجاملته على شاني
اهليبك وارحبك واسهلبك وارحب فيك
هلا روحي .هلا والله . هلا يانبض وجداني
حسن ال مشرف
[youtube]