(يا زين هجرك) لي وقت وانا عليك الله مصبرني لكني اقفيت عن شرك واغني له واقول يازين هجرك وانت هاجرني والله يهنئك بالهجر وماحصيله لا تحسب انك اذا صديت قاهرني صاحبك بالصد ما تأصل مواصيله وان كان يا صاحبي ودك تخبرني العلم عندي وندري عن تفاصيله وانا على ماقفي ماحدٍ يغيرني النقص ما نقبله والزود ما اشيله اما مكانٍ اذا جيته يقدرني والا عليّ احترم نفسي ولا اجيله ماني مدورك وانت لا تدورني مليت من طعنة الغدر ومكاييله الله خلقني وينهاني ويأمرني اصوم لرضاه واسجد له واصلي له