10-21-2011, 03:10 PM
|
#1
|
|
العضوية الماسيه
تاريخ التسجيل: Oct 2011
الدولة: ابهااا ـ السعودية
المشاركات: 812
|
محاورة جمعت احمد المنتشري بمشعان المطيري
بسم الله الرحمن الرحيم
يوم أمس الخميس 22/11/1432هـ بعد الظهر تمت محاورة بيني وبين الشاعر مشعان المطيري بأحدى المجموعات بالفيس بوك وكانت من اجمل المحاورات التى شاركت بها وانا هنا انقلها لكم لعلها تنال ذائقتكم الجميلة :
اترككم مع المحاوره
البدع للشاعر مشعان المطيري
سلام من شاعر يبداء عليك بسلام
سلام تسليمتن والهمه الهمه
سلام يااهل الوفاء والعرف واهل المقام
وقروبكم دائما نلقاه باالقمه
الرد للشاعر احمد المنتشري
يا مرحبا ياعذيب الحرف عالي المقام
ياللي بروس المراقب ساكن ن ابهمه
قروب تهامة عسير احروفهم كالحسام
والطيب يكسي نجوم الشعر ويلمه
بدع مشعان المطيري
فيك البقا ياالمرحب والنظام النظام
وانتم على رواسنا في ذمتي ذمه
يااحمد لكم ياولد نكن كل احترام
منكم عبير الكلام العذب بنشمه
رد أحمد المنتشري
ياخوك لا حل هوجاسك وساد العسام
تضوي سهام اللضي بالجوف وتعمه
حنا لها لا قسى وقتك نشد الحزام
تلقى الجنوبي يشيل الحمل ويزمه
بدع مشعان المطيري
اشوف من حولنا يااحمد يزيد الغمام
وبعض العرب ياالعرب ماهي بمهتمه
على الصقور ايتعلى باالمطير الحمام
شفت الحمامه تفك الصقر وتخمه
رد احمد المنتشري
الحرف يعزف سواني بالحنايا مضام
وانته وانا والمتابع نرتمي يمه
حتى يعم الفرح ويزيل عنه الخصام
والصقر يسأل عن المونتاج ويضمه 
بدع مشعان المطيري
الوقت هذا عظيم وانت رجال(ن) عظام
جاك الولد والولد يامسندي سمه
رحنا ضحايا علوم القوم شرق(ن) وشام
ياالله عسى راعي الغمات في غمه
رد احمد المنتشري
الحق واضح وراعي الحق ابد مايلام
واقف لراعي الرزايا يجرعه سمه
مادام صقر العروبه داعي ن للسلام
فلخير مقبل وصياد الردى اندمه
رد مشعان المطيري
بنصلي العصر يااحمد والختام الختام
والطيب لااهل الوفاء مانخص بنعمه
جعل الوفاء دائم لااهل البقاء والك دام
ومع السلامه سلامة صدق ومهمه
رد احمد المنتشري
الله يجمل حروفك والوجيه الكرام
اللي على شاطي الطاروق ملتمه
قيلولة الظهر جابت جمعة الإحترام
مع المطيري يزين الحرف ومتمه
ارق التحايا لكم
|
|
|
|