قناديل الوفاء
قناديل الوفا شعَت تساقط نورها من فـــــوق
بدر ونجوم غطَت هامتـي وآنستها تختــــــال
*****
يداعبني الفرح يمًه وانا مدري خذاني الشوق
عشقته حيل لا والله عشق خالطه زود إهبـــال
*****
نثرت إله المشاعر والقصيد الجزل أسوقه سوق
ادقق في اختيار المفرده من قبل لا تنـــــــــــــــــــــــــقال
*****
آخاف الحرف يخذلني ولا يرقى لسمو الــــذوق
اعرفه شاعر وناقد فديته دوم ذوقـــــه عــــــــــــــــــــــــال
*****
ثقيل العقل ساحر فكر يعجبني قووي منطــــوق
أكيد ان الثريا وما بعدها لو بغاهــــــــــــــا طـــــــــــــــال
*****
تعبت اطرد خيــــــاله ولا بها لاحق ولا ملحوق
مثل ميًت ضُمى من لهفته يطرد سراب الـــلال
*****
سهرته ليل داعبني خياله فـــــــي سَحَر وشروق
حصل ما لا توقعته ولا يوم (ن) طرى في البال
*****
يغيًبه القدر قدام عيني أحَكَم عليه الطـــــــــوق
تلعثم فيني الكلمه جريح وصار حــــــالي حال
*****
طواني الحزن يا شينـه ونمت بعبرتي مخنوق
قضيت أسنين ألوم النفس وأندب حظي اللي مال
*****
آحاتي حظي المقرود آثاريني عليه مسبــــــــــــــــوق
عملها ولا توانى هــًد حيلي عقب هـًد آمــــــــــــــــــــال
*****
خذلني لا عدمته كنت أحَسَب إنًه علي أشــفوق
طعني بخنجر(ن) مسموم عسى تسلم يد القتًال
******
كتبت وصيتي ودعيت في حزة رعـــــــــــــد وبروق
يخلي دنيته جنًه ويرزقه الذرى والمـــــــــــــــــــــــــــــــــــال
*******
بقلمي/ الهزاع