على شاطىء جفاك!
على شاطىء جفاك اللي حضن ذكراك
وقفت أتأّمل الماضي من أوجاعك
***
تقول الله معنيِّني غصب ما أنساك
وأعيش بدنيتي كله على شانك
***
أمّد الشّوف والمح صورتك وقراك
أعاتب واستحي وآقدِّر أوضاعك
***
تجافيني وأنا اللي ما قدرت أجفاك
عتابي ترفضه ؟؟ وأتقبّل إعتابك !!
***
تخون ؟! تحسبني عمى ما راك
وأمشيّها مخافة تفقد أعصابك!
***
قبرت إلك الخيانه والكفن فرقاك
ورغم اللي حصل فيني من أسبابك!!
***
احبك كثر ما نبضي غلا حيّاك
احبك كثر ما وطيت ثرى أقدامك
***
احبك كثر!ما غلّبــــتني وأيّـــــــــاك !!
احبك كثر ما خانوا بك أصحابك
***
احبك كثر ما لامس كلام إشفاك
احبك كثر ما ضحكت لي أهدابك
***
احبك كثر ما أتمنى دفى يمناك
احبك كثر ما نالك من إعجابك
***
احبك كثر ما دوّر عجزت ألقاك
احبك كثر ما عنّاني إغيابك !!
***
احبك كثر ما روحي تروم إرضاك
احبك كثر ريح الطيّب بثيابك
***
تخيّل من كثر حبك وزود أغلاك ؟
بوّصي ينحفر قبري تحت بابك!!
***
بقلم (الهزاع)