آخر زيارة
تخنقني العبرة وتنزف جروحي
واشكي حبيبٍ صدعني بلااسباب
أنا اعرف إنه كان قلبه سموحي
ما يعرف الضيقه ولا يعرف اعتاب
يسمح إذا زليت ويرضي طموحي
ويداوي القلب المعنى بلا احساب
واليوم ما يسمع كلامي وبوحي
مايسمع إلا قول حاسد وكذاب
تكفى يابو ماجد تراه سم روحي
ودي تقله دوم يرفق بالأحباب
اشتاق له واشم عطره يفوحي
عطره يرد الروح بالحيل جذاب
لكن بعده طال وأصبح شحوحي
مايدري إن الشوق في مهجتي شاب
آخر زيارة كان يشكي مزوحي
الظاهر انه شاف شوفه لها ذاب