[سهم المحبه]

الجزء الحادي والثلاثــــــــــون :

يكون قبل العصر من اليوم الثاني فاضي .. فقال شقيقه
عسى ما شر فقال الشر ما يجيك عندي شغله وودي
تكون معي فقال سم وابشر .. فقال ابو احمد عندي
موضوع ما كلمت أحد فيه الى الان وهو مشروع
زواج وبكره يبي يصير العقد وودي تكون بعد اذان
العصر بكره في المحل الفلاني ومعك مأذون شرعي
على شان يعقد لنا عقد الزواج .. فضحك اخو ابو احمد
وقال رغم ان ما عندي مانع والله يوفقك ولكن زواج
للمره الرابعة وظروفك ما تسمح يضر بك يا أخي أرفق
بنفسك .. فقال ابو احمد نصيب يا أخي والله يسهله
.. فقال تم وابشر بعزك ان ما وقفت بجنبك يا اخي
ويا تاج راسي وش فودي .. فقال تسلم والله يكثر
خيرك .. وصل ابو احمد الى البيت وقال لزوجته ساميه
عن اذنك ابي اروح لأهلي فوق اودعهم واعطيهم
مصرفهم وأبي ارجع يمك .. فقالت في حفظ الله
دخل ابو احمد على زوجته ام احمد وقال لها انا
عندي شغل وأبي أغيب كم يوم وهذا مصروفكم يكفيكم
ان شاء الله حتى اعود .. فقالت له عسى ما شر فقال
لها ما يجيك شر ... عندي شغل ..فقالت في حفظ الكريم تروح وترجع
بالسلامه ودعها واولاده ونزل عند ساميه الغاليه وهو
لا يعلم كيف يتصرف معها فهو يخاف عليها من نفسها
وتفكيرها .. ولا وده ان يصير شي خاصة في هذا
الوقت .. فقال لها عندي شغل شويه ودي اروح اقضيه
وارجع ما راح اطول .. فقالت اجي معك .. فقال لها
ان جيتي ما فيه مشكله بس انا رايح السوق أخذ لي
بعض الاشياء ملابس وما احتاج في الوقت اللي اقضيه
خارج بيتي .. فقالت تروح وترجع بالسلامه انا ابي
اجهز لك العشا وقهوتك حتى ترجع .. فقال لها تسلمي
خرج ابو احمد وهو في هم شديد من ساميه وخوفه عليها
وخوفه ان تغتاض نفسيتها أو تغار خاصة والعروس
جميله جدا وشابه لم تبلغ العشرين سنه .. ذهب وقضى
بعض الاشياء وجهزها ووضعها في سيارته حتى
لا ينقصه شي .. وقرر الاتصال بسميه العروس
التي ستكون في الغد القريب رفيقة العمر وشريكة
حياة يأمل بأن تكون من أسعد الايام واجملها ..
رن الهاتف في بيت أهل سميه وقد كانت قريبة من
الهاتف طيلة الوقت وظنها بأن ابو احمد سوف يتصل
ومؤكد إتصاله خاصة أنه في الغد سيكون يوم المنى
والامل وسترى عن قرب هذا الانسان الذي سمعت عنه
الكثير والكثير ولكن لم يكن يخطر في بالها بأنه سيكون
الاحب من الناس كلهم والاقرب والاغلى فرفعت سماعة
الهاتف بيد ترتجف وضعتها على أذنها ولم تتكلم خشية
ان يكون ليس هو فقال السلام عليكم ورحمة الله وبركاته
ولم يكن متردد في حال اذا رد عليه غيرها فلديه
مايقوله ان حدث ذلك فردت عليه قائله عليكم السلام
يا هلا كيفك وكانت كل كلمة تقولها من اول سماعها
صوت ابو احمد الى ذلك الوقت تكلفها عناء كبير
لخجلها وكسوفها .. فقال المرحب بك يا عروس
فقالت شكرا ولم تزيد .. فقال قلت يا عروس وعارف
ان ريقك ناشف وخجلك كبيروكأنه جبل تحملينه لوحدك
خجلا مني ولكن ما بقي إلا ساعات وتكوني في عصمتي
وودي ان تكوني مرتاحه وفي أحسن حال وأسعد الاوقات
أتمناها لك الان وفيما بعد ان شاء الله في الغد القريب
فقالت شكرا لك وتسلم وعساك دايم القرب والطيب
فقال ابو احمد متعمدا ليزيد من جراءتها على الكلام
بكره ان شاء الله وانت طيبه تنطلق سفينتنا الى سماء
الامنيات والحياة الرغيدة ان شاء الله والسعيدة ..
لا يوقفها شي بأذن المولى الكريم .. فقالت ان شاء الله
وانت في اسعد الاوقات وأجملها.. فقال هل انتي مرتاحه
لهذا الارتباط .. فقالت ان شاء الله .. فقال تحبي احضر
لك شي قبل ما اجي واجهزه تري ما راح يكون عندنا
وقت فضحكت واول مره تضحك وقالت سلامتك يكفي
وجودك والله يسلمك ويخليك .. فقال انا الان في السوق
لا تخجلي مني واطلبي اللي تحبي..فقالت سلامتك بارك فيك ..
فقال تري انا إنسان ما أكل البشر وش فيك كأنك خايفه
وما انتي على بعضك .. فردت بضحكه خفيفه وقالت
وانا ماني مما يؤكل على شان تأكلني..فضحك ابو احمد
وسره تجرأها وكلامها بهذه الطريقة وبدايه ليست سيئة
فقال تسلمي أأيه أبيك كذا أدري ان ما هناك ما يخوف
ولكن خجلك وحياءك مع انه أجمل مافي البنت في مثل
هذه الامور ودي انه يقل شوي فقالت وش هو .. طبعا
كانت تسمع ولكن لا تفهم الكثير من كلام ابو احمد لعدة
اسباب وهو الخجل والخوف من المجهول الذي سيكون
بعد ساعات وفي اليوم الثاني .. وهذا أمر طبيعي ..
فكرر ابو احمد وقال ما ودي تكوني بهذا الخجل و
الرهبه فكل شي ميسر وسهل والله يقرب البعيد
ويرزقنا من فضله الصحة والعافية والسعادة
الدائمة والسرور المستمر .. فقالت آمين الله
يجزاك خير شلت من فكري الكثير من الهم والخوف
والتردد وعساك دايم بصحة وعافيه وتطيب لك الايام
فقال ولك ان شاء الله وأمنيات سعيده وأحلام سعيده
يوم غدا ان شاء الله وانتي طيبه اذان العصر وأنا
عندكم وأحمل في فكري ومشاعري ما لا استطيع قوله
لك في كلمة او كلمات .. فقالت الله يحييك والساعة
المباركة شوفتك وانت بأتم حال .. فقال أودعك الى لقاء
او أيش رأيك ..فقالت في حفظ الكريم..ولكنها بعد ثواني
قالت لو سمحت فقال سمي في شي.. فقالت ودي أعرف
ان شاء الله بكره وانت طيب.. بعد العقد وش يبي يصير
فضحك ابو احمد وأراد ان يمازحها ويحرك مشاعرها
وفي نفس الوقت يطمئنها .. فقال لها اولا بعد العقد راح
تكوني في رفقتي . وراح نركب مركب الحياة في طمأنينه
وهدوء ونقول بسم الله مجريها ومرسها وفي حفظه
تعالى تسير وبتوفيقه ..وعندي برنامج لا يتخيله تفكيرك
وراح يعجبك باذن الله تعالى فقالت صحيح .. فقال نعم
بس قولي ان شاء الله .. فقالت ان شاء الله .. فقال لها
تأمرين بشي فقال لا سلامتك .. فقال فكري من الان
الى وقت جيتي أين ستذهبين وكيف وماذا سترين
وماذا ستسمعين .. فقالت يعني اشلون .. فقال ما تعرفي
تـتخيلي أمور تحصل مناسبة للذوق والتفكير وأمور
جميله تسعد النفس فقالت إلا أعرف .. فقال طيب
تخيلي الان وقولي وش ممكن يحصل .. فقالت ما اقدر
الان اقول خيالي مرتبك ومهتز وأحيانا لا أرى لا أسمع
لا أتكلم .. فقال أقرأي المعوذات وآية الكرسي وأطمئني
أن غدا لناظره قريب وانه من اجمل وأكمل الايام على
الاطلاق .. فقالت هذا ما أتمناه لي ولك ان شاء الله
والله يوفقنا انا وانت وكل المسلمين .. وتسلم ريحتني
وأزلت الكثير من القلق والخوف من نفسي ..
فقال بكره ان شاء الله نكمل كلما تحبي تسمعيه والان
عندي شغله ودي اكملها استعدادا لبكره وأنتي مثل
ما قلت لك سوي وان شاء الله يكون الغد الآمل الموعود
والفرحة الكبرى لنا وانتي طيبه.فقالت اشكرك ويعطيك
العافيه يا ؟؟ ولم تكمل فضحك ابو احمد وقال خليها
معك اذا مستحيه تقوليها وبكره يسير خير .. فضحكت
وقالت لا تواخذني انت عارف الوضع والحال .. فقال
لا مشكله أقدر مشاعرك وخجلك .. المهم تأمرين شي
فقالت سلامتك وانتظر إطلالتك ان شاء الله بكره ..
فقال باذن الله وودعها على آمل اللقاء ..

عاد ابو احمد فوجد ساميه في غرفتها واجمه
سارحة بفكرها وليست في الوجود .. فقال السلام عليكم
فردت عليه بفزه وقالت هلا بالسلام وراعيه .. وقامت
فقال خير وش فيك ما انتي على بعضك وقالت لا مافيه
شي بس غالي وفراقك ما هو سهل .. فقال تعرفي مثل
هذا الموضوع يلزمه بعض الوقت وان شاء الله ان تتجملي
بالصبر حتى عودتي وغلاك ما راح يتغير .. فقالت الله
يحفظكم ... والله اني من اسعد الناس لهذا الشي وتروح
وترجع بالسلامة ..بس خلني اسمع صوتك وطمني عليك
كلما سمح وقتك الله يخليك .. فقال لها ابشري فقالت
وعد فقال وعد أكيييد ان شاء الله تطمني .. تعشا ابو
احمد واخذ فنجان قهوة ونام وقام حوالي العاشره صباحا
وقد قدم إجازه لمدة خمسة عشر يوم أبتداء من اول سبت
وعندما أفاق وجد زوجته ساميه محضره له الفطور
فأخذ دش ولبس ثياب للبيت ولم يطلع من غرفة النوم
وبعد فطوره بقي جالس فأتت ساميه وقالت خير ان شاء
وش عندك اشوفك ساكت تفكر عسى ما شر .. فقال
الشر ما يجيك هو اللي يشوفك يجيه شر الله يحفظنا ..
فقالت تسلم وما يجيك إلا العافيه .. فقال ما بقي وقت
طويل وتعرفي انا غريب على بنت آخيك عروستي التي
اخترتي وهي غريبه عليه وما كان لي ولها وقت حتى
تهدأ النفوس وتتعود على بعض الامور وهذه اسباب كافيه اني
اكون مشغول .. فقالت عين خير الله يهديك سيارتك
جديده ما لها إلا ستة أشهر أو أقل وأخر موديل وانت
ما يحتاج تعرف وش تسوي وكيف تتصرف ومعك ما
يكفيك فلوس وان قصر عليك قاصر ابشر..فقال تسلمي
معي ما يكفي وزياده الله يبارك فيك ما قصرتي .. والله
يجملنا بالعافيه .. فقالت وين ودك تقضي وقتك فقال ما
ودي احد يعرف ولكن راح اتصل عليك واعلمك وين
انا .. فقط انتي اللي راح تعرفي ولكن لا تقولي لأحد
ممكن .. فقالت ابشر ..
فقال ابو احمد جيبي لي الهاتف فقالت تريد تتصل على
عروسك فقال أيه في مانع .. فقالت مانع الله يسامحك
وش المانع وكله برضاي وشوري .. إلا انا اللي يجيب
الهاتف ويتصل لك بعد واللي يرضيك يرضيني ويسعدني
يا ابو احمد الله يحفظك في حلك وترحالك فقال لها تسلمي
جابت له الهاتف واتصلت وبالتأكييد في الطرف الاخر
الهاتف عليه حراسه مشددة جدا وهي سميه ما تخلي
احد يقترب منه منتظره إتصال محتمل .. فردت وعندما
سمعت ساميه صوت سميه والله يعين ابو احمد على ساميه وسميه ..
مدت السماعه ولم تتكلم حشمة وتقدير لأبو احمد ..
فقال السلام عليكم أهل الدار .. فقالت ارحب وعليكم
السلام ورحمة الله وبركاته .. فقال أحببت اسلم فقط
وانا جاي بعد شوي .. فقال تجي وانت بصحة وسلامه
والله يحييك .. شكرها وودعها فالوقت أزف ..
بعد الظهر وفي حوالي الساعه
الثانية بعد الظهر قام ابو احمد ولبس وتهيأ وكذلك
زوجته ساميه وركب سيارته وخرج متجها لبيت
أهل سميه وهو ساكت وساميه ساكته .. فنظر لها
وتبسم لها وقال ليه ساكتين .. فقالت ما في شي سلامتك
والله يوفقك ويسمح دربك .. بس مثل ما قلت لك خلني
اسمع صوتك كلما امكن قال ابشري .. رن عليه جواله
فرد وقال أهلا وكان شقيقه وقال وين انت الان فقال في
طريقي الى المكان اللي قلت لك عليه ..
فقال اخو أبو احمــد .. ترى ..

كونوا معي في الجزء القادم ...