يا ذ الحمام اللي على مفرع الدوح
من لي يسليني مع السجع من لي
اوجعت قلب اللي من العام مجروح
ليتك رسول الشوق واقول علّ ي
للي قطع وصل المحبة عن الروح
لو كنت ناوي تذبح الروح .. قلّي
جيتك وانا قلبي على كف مذبوح
إما خذيته .. وصل ... والا تخلي
يكفي غيابك ما معي فيه مصلوح
إن كنت سالي ما عرفت التسلّي
ليه التغلّي ؟ كل ما قلت مسموح
تدفع رضى نفسي بزوود التغلّي !
بان الخفا اللي جاهد الصمت والبوح
وزعمت .. ما بي شي مما حصلّي !
يا اهل الهوى ما بالهوى لعب ومزوح
لولا الهوى ... ما شاقني شوف خلّي
راعي اللثام .. اللي على وجه مملوح
والكحل يسرق من ورى النور ظلّي
انـ اشهد اني ... كلّ ما جيك واروح
يتعب قويّ العزم ..... لو ما تشلّي
تحياتي لكم ،،،
عصي الدمع