على هونك على هونك على هونك=علام اعبايتك طاحت على الكتفين
علام الدمع ينزف؟جرًح ازيونك= من اللي طيًح الدمعه قليلي مين ؟!
تعالي وامسح الدمعه عن عيونك =عيونك ماخلقها الله لأجل تبكين
غلاتي يابعدهم كلللللي ابعونك=خذي من حسي المرهف رضا تكفين
خذي باقي بقايا عشق مجنونك=خذي عمرٍ لعب فيه الزمان سنين
خذي من لهفتي جلباب لمتونك=خذي نبضي فدا نبضك لأجل تدفين
خذي من شوقي الثاير غطا جفونك=خذي نوري فدتك اعيوني الثنتين
خذي فرحه قبل لتموت من دونك=خذيها وازرعيها براحة الكفين
خذيها ولا ازهرت فـ اللون من لونك=تغشاها البياض بلون مو لونين
خذي خوفي علاك الباس لمتونك=خذي حلمي يشيلك ما ابي تمشين
حياتي اشتقت كلمة منك وشلونك=فديتك ماسمعها خافقي يومين
ابصبر مير تكفي لا يغشونك=بقالي كلمةٍ وانتي تعيييها زين
عسى هالكون واللي به فدا نونك= احسك ياغلاتي قبل لا تشكين!
وسلامتكم وطابت حياتكم
بقلمي هزاع السهيمي