][ كلامي للحازمي ][
قله يابو عبد الملك يسلم الهجر=انا جبل من يلتطم فيه طاحي
الله لايحرمك من نعمة الاجر=الحق على صاحبك قبل الصياحي
حنا عرب واشلون نهرج مع الغجر=ابك انت صاحي والا منته بصاحي
قل الموصي قبل لاينعجر عجر=ماكل ماسمي مباحي مباحي
من قبل لايحجر على المبتدي حجر=يابو مناحي انصحك تنصح مناحي
يالحازمي لاياخذك معه للسجر=وعليكم اتضيق الفجوج الفساحي
حنا بدو واللي يبي دقت النجر=يامرحبابه فالمساء والصباحي
ندمح خطأ المسلم نحارب هل الفجر=ومال الخصيم الا سموم الرماحي
مانزجر الطيب ولا نقبل الزجر=والمعتدي نسقيه سم(ن)ذحاحي
لكن على شانك دجرت العضب دجر=والا الخبل تقتله كفخة جناحي