حرمت ماصون المحبه ولا اشريك
واني لابيع الود وابيع شرواك
من بعد سيف الغدر شالنه ايديك
والله لشيل سيوف غدرٍ تحداك
بهدم بقلبي فلة الحب والغيك
واغني لحون الفرح بعد فرقاك
ماني امعظم لك بفكري مباديك
وبهمل بقلبي ملفات ذكراك
بغلق عن اطلالك ستار الشبابيك
بسود الصوره لشخصك وبنساك
لاتعتذر ماعاد اودك ولا ابغيك
ارحل مع من لف عقلك واغواك
ومن شان عزة شان لازم اخليك
وابعد ولو كثرت بعيني مزاياك
ولا تحسب اني بنتظر في حراويك
ابك انت ماتسوا عشان اتحراك
بعذب احساسك بقسوه وتكتيك
لين اسجنك في مرحلة لا للادراك
بعلمك كيف الغدر ينتهي فيك
وان الخيانه تترتسم في محياك
واعلمك ليه الفشل صار يعنيك
وانك خويه في دروبك وممشاك
اونس طعون الغدر لا حل طاريك
كل الجروح اللي معي رمز طرياك
ما عاد بك من زين يوم اني ارجيك
لابوك ياخاين ولابوه مجناك .
غازي العصيمي