|
اقتباس: |
|
|
|
|
المشاركة الأصلية كتبت بواسطة رمضان المنتشري |
|
|
|
|
|
|
|
الله ولا الضيقه اللي كل مالليل حل
تبرك على الصدر فال الله ولا فالها
اضنها ماتفارقني لو اسكن زحل
من الميانه تقول القلب منزالها
\
ياصاحبي كل عرقٍ من عروقي محل
حتى خلايا دمي ضيق المساء طالها
مدري حياتي غلط والا دروبي وحل
والا الغرابيل حطتني على بالها
ان كان نجم السعد سجل حضور ورحل
الله يساعد على الايام واهوالها
لو كل نظره صواب وكل عقده تحل
ماكان جيتك هموم الناس مشتالها
واصحابي اللي تقول انهم خلية نحل
حولتهم في شريحه ضاع جوالها
راحو مثل مايروح من العيون الكحل
لكن هذا هي الدنيا وذا حالها
|
|
|
|
|
|
يا صباح الشعر
ما ادري صباحاتي اليوم مختلفه
الشاعر الانيق * رمضان المنتشري
مقطوعه شعريه عانقت زحل جمالا
من بدايتها لنهايتها كانت رائعه بإمتياز
ابو فيصل
لا اخفيك لامست بالنس شي وتمنيت انني مبدعها
لكن مايخالف دامها بجزل شفق يكفي..
صح لسانك واعتلى شانك
ودمت للشعر علم في كل فنونه واغراضه
ودامت لآل الشفق اطلالتك المفرحه والجميله
لها الفايف استارز والتميز
ولك الشكر والتقدير والود
،
الهزاع