حسن بن مدهش
هلت مطارق رحلتي وماتت على مبنى الخيال=وجيت يمك يا اجودي أرمي همومـي شلهـا
ضاقت علي بوسعها ونامت بشرفات المحـال=وزبنتها بحرف القصيد كانك تـداوي حلهـا
أبو عبد الله القرني
يامرحبا بك يابعدي هات العلوم الي ثقـــال=وحنا نشيل اتراحكم مير ارسل ارسل هلها
ياخوك حمل وارتكز بالهم أبراسي الجـــبال=وأن ماحملناها أبد النفـــس واجــــب حــلها
حسن بن مدهش
مادمت حاضر عزوتي اهلهــا والحظ مال=اللي رمى صيده على تل الشواطي وظلهـا
خذ يا بحر همس القصيد وبادل الغالي جمال=قـله بـمـوتي واخـبــره إن الـغـلا فـي فلهـا
أبو عبد الله
سلامة القلب الرهــــيف ياويل حالي قم تعال=ياونت ٍ سمعتها رد الصــــدى مــــــــــني لها
غرد وحرك خـــــافقي روح معاك ومال مال=تكـــفى تــرفق يالخوي بأذن الله جـتكم كلها
حسن بن مدهش
والله يا الوجد أكرهه لكن كسرني ابن الحلال=ومشى على جرحي وغاب المسأله يا جلهـا
بنت ن ليامنها مشت ذروه سنام ن للجمـال=شف للقمر ونجومها خل ن وفـي رح قلهـا
أبو عبد الله
ابشر بوقفـــــــة صامله كانك نويت وراس مال=ونسقي جناين وردهـــــــم الين يروى خلهـــــا
مير اخفي الوصف أتكفى صاحبك راكـبه الخبال=احيان جـــــنه هــــادية واحيان سيوفه سلـــــــها
الطاروق الثاني
حسن بن مدهش
جيت عندك سلام وجيت عنده أذيه=فسر القول يا محمـد ولا تنحنـي
يوم جاك الخطاب وباع يا مشتريه=شفتها في ضلوعي كيف بك تهتني
أبو عبد الله
مرحبا وانت بيك البرد وبيك الدفية=ننحني لاجــل عينك مـــير لاتنثنــــي
الله يصد عني وعنك شر(ن) وســـيه=لا تهـــرقــــل تــعال أعــرفــك أتودني
حسن بن مدهش
بـيـن هـامـت وهـام وبـيـن جابـت عذيـه=تـقـلـع الـــطـايـــره فـي جــوهــا ودّنــي
وجّهت شرق ما ادري غرب والروح حيه=كـان مـا جـبـتـهـا وسـط الـكـفـن حـطـني
أبو عبد الله
هبك لك رب يرحم حالتك والقضــــية=تحت امــــــــــر الدراسة علمها ينبني
احتمل يالخـــــــــــوي ولا تحرقك كيه=كيف لوذقت نار الوجــــــــــد بتونني
حسن بن مدهش
جيت لك ميت واحيا في وجود أجوديه=آه و الـروح فــيــهـا سـافـرت دلـني
ما بقى غير جسم ن وسط نارن صليه=وش هو الكي في ميت قوام اعطني
أبو عبد الله
ماعليك الكلافه سلـــــم امـــرك هنيه=وابشر ازهم بربعه كان وكـــــلتنـــي
الله الله ترفق واورد الحــــــــق نيـــه=واجه الريم واسكب صدق لا تعنعني
حسن بن مدهش
جعـل ناعـيـك قـبلك يا رفـيق الجذيه=وآه فـيـها معـانـي دلـهـا واسـقـني
بين ناموا عيالي وبين صاحت بنيه=وبـيـن روح ن أدورهـا تعــال افـتني
أبو عبد الله
انت مالك لوى ذيبان مابك رديــــــــه=رجل فكره بيوزن قـوم ويـــــــــــديني
يالفهيم القضية مباشره راس حـــــية=ودي اهــد حصن الشــر واهل الـــدني
حسن مدهش
ليه تكوي على الجرح الندي يا عزيه=ارحـلـت طـاهـره وبُـعـدهـا هـــزنــي
وطـحـت مـن قـمة الأهرام يا عاذليه=أمـوت لأجـل الـيتاما والـوفـا حّدني
أبو عبد الله
ماحلا كية الجــروح وهـــــيا نـــــــديه=طبها والعلاج الكــي فلا تـــــردنــــــي
باكر ان قالها الله عــــيد قبل الضحية=مير شد الحزام وجـــود لاتركــــــــــني
حسن بن مدهش
بيض الله وجهك جبتها والمنيـه=بـيـد رب رحـيـم والـوفـا عزنـي
لكن الأمر باكتوف المعاني الأبيه=صـح روحـك وكلك لا لفت وفّني
مداخلة
الشاعر / أحمد بن عبيد الله المنتشري
القضية صداها مثل حمص الأبيه=لا ضمير ن يقوم ولا الم شدني
مير ضاعوا ومعهم ضيعوا هالرعية=ياعسى الوجد يهدأ والله اللي غني
أبو عبد الله
وجهك ابيض ومات العلم دفــنه هنيه=والمعاني جرت والجــــــــرح ذا هدني
ليتها من بعــــــــــيد ولــيتها من صبية=مير صبرك واحـــــــــد الظرف ذا حدني