اتصل أحدهم بصديقه وقال: أنا محتاج 1000 ريال ضروري
وبأسرع وقت ..!!
رد عليه صديقه :
أبشر نص ساعة و أكون عندك .
...
مرّت النص ساعة و ساعة و صديقه ما وصل ، و كلما اتصل عليه جواله مقفل !!
انصدم الرجال و حس أن صديقه يتهرب منه ، وبعد مرور ساعتين و جوال صديقه مازال مقفلا ،
أرسل له رسالة كتب فيها هذا البيت :
شغل جهازك ياخي و استخدمه خلاص ()() ما عاد أبي منك لا فزعة و لا نفعة
و بعدها بربع ساعة اتصل عليه صديقه
و أثناء سؤاله له وين يبغى يقابله ؟
وصلت له الرسالة فقال له :
لحظه وصلتني رسالة خلني أشوفها ..
وبعد ما قرأ الرسالة قال له :
الله يسامحك ، ما قفلت الجوال عشان أتهرب منك
أنا قفلته .. لأني رحت أبيعه !! عشان أفزع لك ، و أجيب المبلغ اللي محتاجه ، و بالباقي اشتريت جوال رخيص مؤقتاً عشان اتصل فيك !!