[جابر السلمي]

السلام عليكم ورحمة الله
نص قديم نوعا ما، أثاره أحد الأحبة وذكرني به
فأحببت ان تشاركوني إعادة قراءته

محبتي وتقديري سلفا
،،،
،،

مُــــــــــــرالايــــــــــــام

للساعي اشرب ذل الايام يمه
ماظن يصفى جو الايام ويروق

انا اليتيم اللي ملا الدمع كُمّه
ماكسّرالخاطر ولا كسّر الطوق

وانا النحيل اللي نشف نبض دمه
من حِمل صعب وشايل الحمل مطبوق

اطرد سراب الما ولا قْدِرْت المّه
يمه كِذِب ماكل مطرود ملحوق

لوكـان بـاقي عند الايـام ذمـه
كان ارتفع حظي من القاع لا فوق

ولوكان هذا القلب ماشلت همه
ماشلت هم الغير والقلب محروق

يمه!! وقـلبي كيف ينـزاح غـمه
لاصارت الايام ماعندها ذوق

هذا السحاب ابعد ولا عدت اهمه
كيف السما تمطر بلا رعْد وبروق

اذكر وانا احْبي شامخ الغيم اضمه
كنت احسب الدنيا تساهيل وشْروق

واليوم/ ماصـارت حيـاتــي مهـمه
وشلون الم الريح في (شن مخروق)!!

مـازلــت احارب مر الايــام يــُمّـه
ياليت يصفى جو الايام ويروق

وسلامتكم

جابر السلمي