[منصور الرويلي]

بسم الله الرحمن الرحيم
والصلاة والسلام على أشرف الانبياء والمرسلين
,
الحمدلله عدد خلقة ورضا نفسه وزنة عرشه
ومداد كلماته .. اللهم لك الحـمـد كما يـنـبـغي لجـلال وجهـك
وعـظـيم سـلـطانـك .. اللهم لك الحمد والشكر والمّـنه
الله يجزى كل من ساهم وشارك وتفاعل مع
أخينا عايد لعتق رقبة أبنه سامح خير الجزاء
دعواتنا للجميع بجنات الفردوس
.

.

.

(الجُملة) اللي عندنا مالها أعراب = من حطها بين الجواب وسؤاله ؟
صرخة مشاعر هزت عقول الالباب=دوّى صداها تحت سيف العداله
مرت على كل الاسامي والالقاب = ماحركت فيهم شعور الرجاله
صوتٍ تهقوى في طويلين الاشناب = وكل الهقاوي تحتظر في خياله
صوتٍ صداه يزلزل جبال وأهضاب = مر وتعدى كن محدن دراله
والله لو نادى : لابن غانم ذياب = الا يقوم من اللحد ويعناله
حضروا وهم في واقع الامر غياب= لا بارك الله .. بالردى والنذاله
يا أورنس . يابن مهيد . يالزير . ياعقاب=تكفون أفيقوا حالة الربع حاله
أبيوتكم من دون عمدان وأطناب = صارت علينا بآخر الوقت عاله
وأفعالكم صارت تواريخ بكتاب = ترزح تحت سطوة شيوخ العماله
أهل البشوت أمخيبّت كل طلاّب= رماد نارن عاصف الريح شاله
(الشيخ) كان الوقت كشرّ بالانياب=يهون حمل الكايده لا أرتكاله
للغانمه والطيب هو عز الانساب =اليا أعتزى كلن يطوّح أعقاله
صدره قبل بيته مشرّع للاقراب = شيخ المراجل والظفر والشكاله
اليا أنتخوا به بالصعيبات ماهاب = اللي لكسب الآجر يرخص حلاله
من لا وقف بالضيق مافك الانشاب= لو يفتخر بأسمه وصيته وماله
واللي يحسّب للخساير والاتعاب؟ = ماجاب مجد ولا كسب له جماله
من يفعل المعروف لو غاب ماغاب= ياحي معروفه .. وياحي فاله
وصوت الاسير اللي رمت فيه الاسباب= ساقه مليك المُلك جلا جلاله ؟
ساقه لمن للصعب مايحسب حساب= شيخٍ زهد بالمال وأطلق أحباله
لله ؟ مايرجي مدايح ولا أعجاب = يرجي رضا اللي كل حيٍ يسأله
فزع لـ..(سامح) وأنفتح للفرج باب=ماكنه الا وأحدن من أعياله
يافاعل المعروف .. فكاك الارقاب= الله يبيّض وجه راع الجماله

.
.

الوضع مزري؟ والاماني بعيده = والعمر لحظه والهقاوي مسافات
والمسأله ماهي مجُرد قصيده = اكبر من حـروف القصايد والابيات؟
صدمة أمل بأعماق روحٍ شهيده = ذاقت مرار الموت وال.... مامات
.

كذبه كبيره .. والنهايه خطيره / اكبر جريمة قيدّت باسم مجهول؟!
.

.
.

[/COLOR]نيابة عن قبيلة الرولة
:
لقد رُسمت حدود البراءة بعينك
قدّر الله لك أن يحدث ماحدث
وشاءت عنايته أن تعود من رحلتك
التى أستمرت مايقارب أربعة سنوات
مابين دعوات والديك
ووقوف الأوفياء بجانبك أيها الشهم
عدت لنا بفضل الله سبحانة
أجتاحنا نبأ تحررك
وأطفئ لهيب الحزن
داخل قلوبنا ..
لأنك قطعةٍ منا
.
ـ حـرر في يـوم الخـمـيـس ـ
الموافـق 21 رمضان 1433
منصـور نايـف الـرويلي
( قـاف عـنـزة )

.
.
.
.