[رمضان المنتشري]

الله ولا الضيقه اللي كل مالليل حل
تبرك على الصدر فال الله ولا فالها

اضنها ماتفارقني لو اسكن زحل
من الميانه تقول القلب منزالها
\
ياصاحبي كل عرقٍ من عروقي محل
حتى خلايا دمي ضيق المساء طالها

مدري حياتي غلط والا دروبي وحل
والا الغرابيل حطتني على بالها

ان كان نجم السعد سجل حضور ورحل
الله يساعد على الايام واهوالها

لو كل نظره صواب وكل عقده تحل
ماكان جيتك هموم الناس مشتالها

واصحابي اللي تقول انهم خلية نحل
حولتهم في شريحه ضاع جوالها

راحو مثل مايروح من العيون الكحل
لكن هذا هي الدنيا وذا حالها