[مسفرجمعان الصفا]

مرساك يا مركـب الاشـواق فـي صـدري=تحيـطـك اعنايـتـي.. وتـحـيـط وجـدانــي
اخلصت لـك بالغـلا والحـب مـن صغـري=واذعنـت انـا بالـولاء لـك سـر واعلانـي
*******
وجيتـك ازف الغـرام العـذب مـن بــدري=من قبل تذبـل زهـور الشـوق بأغصانـي
واغرقت الاوراق لكن ما نضـب شعـري=وارويــت زهــر الـغـرام بـوبـل هـتـانـي
********
وابديت لك عن قصـور فالهـوى عـذري=وفتحـت لـك يــا رســول الـحـب بيبـانـي
و لاصار بيدين حبـك مـا انجبـر كسـري=مـن غيـرك ارجيـه يرفـق بـي ويدرانـي
*******
وانـت الـذي تعلـم بحـبـي كـثـر مــادري=وتشهـد لـك ارسـوم دمـع تكحـل اعيانـي
حاولت انا اصبر ولكـن مـا نفـع صبـري=والجرح الاول ما هـو بأشـلا مـن الثانـي
*******
فان كـان مـا زلـت يالغالـي علـى خبـري=وش لون اشم الخزامى .. وانت ريحاني
حبـك ملـك مهجتـي واستـوطـن بفـكـري=شف مع قدومك سروري بـش بأوجانـي
********
فديـتـك بـنـون عيـنـي يــا بـعـد عـمـري=يـا شعـري وديـرتـي واسـمـي وعـنـوان
لو لجلك ارخصت عمري ما نقص قدري=حـبـك سـتـر كــل هـفـواتـي ونقـصـانـي
********
و لا تستهم يا عديل الـروح مـن غـدري=مــدام تقـبـض كـفـوف ايديـنـك اعنـانـي
((والله مـا انسـاك لـو حليـت فـي قبـري=لاضـم حبـك معـي فـي داخـل اكفـانـي ))

********************