[غازي الفكر]

اقتباس: المشاركة الأصلية كتبت بواسطة مهاجره     كحيل العين خلا البين متكدر يغار وما يغار الا على احبابه هويته يوم صد ولد وتحدر وانا قلبي مولع به على بابه عظيم احساس يجمعنا بلا منذر هذاك الحب . لاتسألني وش جابه

الله الله مهاجرة ..صح لسانك واكثر
ابداع وفي وقت قصير ..ماشاء الله
تقديري واحترامي

[غازي الفكر]

اقتباس: المشاركة الأصلية كتبت بواسطة الشفق     صوت جميل وراق صدى اجمل وراق ايضا لله دركما غازي الفكر&مهاجره

وصح بدنك وكلك يالشفق
لاهنت شاعرنا وهذا القليل مما عندك
تقديري واحترامي

[غازي الفكر]

من غربة الوقت صرت احس في بعدك

وش هي الموده! مادام البعد منهاجك

.

لوقلت .محتاج لك بالحيل , وش ردك !

تبيني احلف ..... قسم بالله محتاجك

.

المقصد ..أسقيك ّمن دله غلا شهدك

مبهره.. الشوق في ودك ومدراجك

[الشفق]

اقتباس: المشاركة الأصلية كتبت بواسطة غازي الفكر     من غربة الوقت صرت احس في بعدك وش هي الموده! مادام البعد منهاجك . لوقلت .محتاج لك بالحيل , وش ردك ! تبيني احلف ..... قسم بالله محتاجك . المقصد ..أسقيك ّمن دله غلا شهدك مبهره.. الشوق في ودك ومدراجك

تذكر ايام شرب الشهد من يدك
تصدق اليوم حال امعزبك هالك

حاولت ادفي المشاعر من وله بردك
واحاول اغيض عذالي وعذالك

والحين توك تقول انك ع عهدك
تبغاني آعود؟ فال الله ولا فالك!!

صدى، بصراحه اعلم انه
ليس بمستوى ابداع الصوت
بس عاد هذا اللي طلع

[غازي الفكر]

اقتباس: حاولت ادفي المشاعر من وله بردك واحاول اغيض عذالي وعذالك

راق لي بالحيل وعن قصيده
صح لسانك وكلك شاعرنا القدير
كفيت ووفيت وربك ..لاهنت ي علم

[غازي الفكر]

ماكل برقٍ ناض فوق الفياضي
يسقي مخيله ياباستًٍعروقه

هذا نموذج وانت حاكم وقاضي
والياس ..طفلٍ كل عبره تعوقه

لا تجعل ايامك على شط فاضي
وتموج افكارك.. على ما تروقه

[الشفق]

اقتباس: المشاركة الأصلية كتبت بواسطة غازي الفكر     ماكل برقٍ ناض فوق الفياضي يسقي مخيله ياباستًٍ عروقه هذا نموذج وانت حاكم وقاضي والياس ..طفلٍ كل عبره تعوقه لا تجعل ايامك على شط فاضي وتموج افكارك.. على ما تروقه

ماهو ضروري اصير بالحكم راضي
اليا اعترضنا عندنا ما نسوووووقه

وما هو ضروري اصير شخصٍ رياضي
عشان جمهورك كلامي يروووووقه

الوقت مستقبل وحاضر وماضي
هنيّ نفسٍ للمعالي سبووووقه

[غازي الفكر]

همك تعدى.... حدود الهم ...ولفاني
جمره من الضلع لين الضلع مشبوبه


على ايش ياخي منك الجرح وقداني
تبت جروحٍٍ ...تجيب الهم ودروبه


امر تدلل ...وقول الامر من شاني
واعطي مواجيب قدر الحال ووجوبه

[غازي الفكر]

.

شاخت الايام.. وتماديت ...في صدٍٍ يغيب

والهوى غلاب في دوره ولآآ. يلقى مجيبه

.

كيف يبصر والجفاء مدلول منطوقه مهيب

والغريب اعمى وشوفه في عيونه ما يعيبه

.

زود الدنيا ظلام ...وصار في ارضه غَرَيّْبْ

يحتري اجمل حلوله حتى لو يدفع ضريبه

.

[الشفق]

اقتباس: المشاركة الأصلية كتبت بواسطة غازي الفكر     همك تعدى.... حدود الهم ...ولفاني جمره من الضلع لين الضلع مشبوبه على ايش ياخي منك الجرح وقداني تبت جروحٍٍ ...تجيب الهم ودروبه امر تدلل ...وقول الامر من شاني واعطي مواجيب قدر الحال ووجوبه

هذا انت وافي فكر ي ولد شلواني
اليا بنيت الشعر طوبه على طوبه

جبته من الراس علمك ما تعداني
علمٍ تجيبه حشى غيرك فلا جوبه

الشارع اللي تجيه بكل ميداني
محدٍ تجرأ عليه ومر من صوبه!!


# مجاراه سريعه
والعذر على القصور ابو عبدالرحمن