[عبد الرحمن الحازمي]

يا سعد لا تنسى المدارس على الأبواب والأولاد والبنات يبغون أغراض المدارس هذا الشهر .
يا سعد لا تنسى العيد قرب ونبغا ملابس وأغراض العيد هذا الشهر .
يا سعد الشتاء على الأبواب ونحتاج ملابس شتوية هذا الشهر .
يا سعد أقساط السيارة وأجار البيت والفواتير والمصاريف لا تنساها .
يا سعد لا تنسى أحنا معزومين على فرح بنت خالتي أخر الأسبوع .
يا سعد وينك ما شفناك ترى حساب ألبقاله ثقل هذا الشهر .
يا سعد الناس تبغا حقها
يوم الوعد
يا سعد مبروك جالك بنت
وبكره يجئ يمكن ولد
يا سعد وراك عابس وما ترد
يا سعد أبتسم
فالحياة حلوه وفيها شهد
يمكن يجئ في يوم رغد
وخليك متفائل نزد
أسمه سعد
وما شاف له فيها سند
هذي علومه وش بعد
كل ينادي يا سعد
ما يسمع لصوت الرعد
لو دق بابه يرتجف
يقول منه ذا بعد
لو رن جواله يخف
كنه على نار تقد
ولو سار في شارع يلف
من ذا وذا دائم يصد
حتى في صلاته هو يمد
ما هو خشوع لو سجد
ناس تكد وناس تشد
وناس عسا تقدر تسد
وناس طغت ويمكن تمد
وناس تشوف وتستبد
وناس هوايتها تعد
وتوطآ الفقير وإلى ترد
وكم حلم هي يمكن تهد
من خوف من مثله يند

يكتبها لكم عبد الرحمن الحازمي