[مسفرجمعان الصفا]

يا قصيدي والقصائد فمناصيب محسوبه = ترفع اسم الشاعر اللي عن نقايضها حفلها
هات من جزل القصيد العذب لا هبت هبوبه = القرائح به تهيض وتنتقي صفوة سبلها
شاعر واحمل مشاعر صادقه ماهي كذوبه = من جنيهات الهجوس اصرف ذهب ما اصرف هللها
باني جدار القصيد الجزل طوبه فوق طوبه = والروابع شمّرت عن عزمها والغت كسلها
الشوارد تنعسف لو في محايلها صعوبه = وانتقيها مثل ما ينقى النحل صافي عسلها
لان موقفها جليل وباسم ابو متعب وجوبه = عند من تعقد به الاشوار والاخرى فتلها
عند عبدالله عسى الله للهدى يوفق دروبه = ويحفظه للامّه اللي ظمّها وجمّع شملها
الزعيم العادل اللي كل الاسلام احتموبه = تحت ظله ظلل قيادات وشعوب باهلها
الدول لا نبها علم ترد العلم صوبه = والبشر تعقد املها به قبل قادة دولها
من لها غيره يذريها ذراه ويلتجوبه = وتستظل بظلّه وعنها المتاعب يحتملها
من هو الاسم الذي غير اسمه الشهم اهتفوبه = تنتخي به من تخوم سهولها لاعلى جبلها
دمت يالغيث المغيث اللي تزبر في نصوبه = مزنه تسوق الفرج والخير في مقدم نفلها
قائد ما همه الا راحت وعزة شعوبه = دونها يضحي بما يملك ويتحمل جللها
ما اهتنى فالنوم يوم المخاليق اهتنوبه = ساهر يرعى مصالحها وفي جاله كفلها
لأجهم الوقت النكيد ودق طبله في حروبه = له مراميع بعيده ما حد غيره وصلها
يحتميها من التشرد والتفرق كل نوبه = ولا يتقدم للحمول الكائدات الا جملها
يشهد إله الكون كله من شروقه لا غروبه = بان ما مثله زعيم لا نطق كلمه عقلها
لا وقف وقفته من كل السلاطين مهيوبه = وكل ما مالت موازين القوى بامره عدلها
بالكرم لاهل المكارم ينفق اللي في جيوبه = لو ما يملك سوى روحه لطالبها وبذلها
وان دعى الموقف وزند الحرب ولعها شبوبه = للعدى مسرج ظهور الخيل وسيوفه صقلها
السياسه والفراسه ظمّها في كم ثوبه = والخصوم اللي تروم المجد من دونه فصلها
من شهامته العفو مقدّمه قبل العقوبه = والعقول ام الجهاله ما يؤاخذها بجهلها
هذا هو رجل السلام اللي لوقفاته عجوبه = للعلا دامت حياته والله يطول اجلها
والله عن الدين واهل الدين يجزاه المثوبه = ويكتب إله النصر في كل الدروب اللي بتلها
فيه شعري يستفيض ويرتوي منه العذوبه = والروابع له تزوع وصعبها يسابق سهلها
وقبل ما انهيها بازف من التهاني له ذهوبه = باقة عبيرها مسك الخزامى مع نفلها
من روائع شاعر من طيبها ذعذع طيوبه = قلتها واقولها واقول للهوجاس قلها
عاد عيدك بالسعد والخير ياصقر العروبه = انت قايدها ورايدها وسيدها واملها
عاد عيدك . عيدك اللي كل الامّه عيدوبه = تقتدي بك لامّه اللي ما لقت غيرك بطلها
والسلام ورحمة الله عد خط في كتوبه = من مشاعر شاعر من فرحة العيد ارتجلها

[هيبة ملك]

صح لسانك يامسفر بن جمعان على هذه القصيدة الجزلا...

لافض فوك يالغالي...

دمت ودام شعرك وإبداعك..

[الملتاع]

والـــســـلام ورحـــمــــة الله عـــــــد خـــــــط فـــــــي كــتــوبـــه

مــــن مـشـاعــر شــاعــر مــــن فــرحــة الـعـيــد ارتـجـلـهـا

صح لسانك ولاهنت وبيض الله وجهك
على هذه الرراااائعه

[الشفق]

هلا وغلا
ابو هلال شهرك مبارك ي الغالي
وحيا الله اطلالتك المفرحه
وصح لسانك ياشاعر الهيلا
نص جزل ولا غرابه فمرتجل ذلك النص الشامخ
الشاعر مسفر الصفا الذي عرف بجزالته الشعريه
ويستاهل صقر العروبه والله يطول بعمره ويحفظه
*****
وتقديري الجم
ومودتي

[ابو دماس]

ماذا عساني اقول تجاه هذا النص وصاحبه
والله انها تعجز الكلمات
نص راقي وعلى غرابة في ذلك
فانت جزل وما يأتي منك غير جزل

صح كلك ملايين ولاهنت يابو هلال

[أبو رنيم]

صح لسانك
واعتلى شانك

[ابو عبدالله القرني]

اقتباس: المشاركة الأصلية كتبت بواسطة مسفرجمعان الصفا     يا قصيدي والقصائد فمناصيب محسوبه = ترفع اسم الشاعر اللي عن نقايضها حفلها هات من جزل القصيد العذب لا هبت هبوبه = القرائح به تهيض وتنتقي صفوة سبلها شاعر واحمل مشاعر صادقه ماهي كذوبه = من جنيهات الهجوس اصرف ذهب ما اصرف هللها باني جدار القصيد الجزل طوبه فوق طوبه = والروابع شمّرت عن عزمها والغت كسلها الشوارد تنعسف لو في محايلها صعوبه = وانتقيها مثل ما ينقى النحل صافي عسلها لان موقفها جليل وباسم ابو متعب وجوبه = عند من تعقد به الاشوار والاخرى فتلها عند عبدالله عسى الله للهدى يوفق دروبه = ويحفظه للامّه اللي ظمّها وجمّع شملها الزعيم العادل اللي كل الاسلام احتموبه = تحت ظله ظلل قيادات وشعوب باهلها الدول لا نبها علم ترد العلم صوبه = والبشر تعقد املها به قبل قادة دولها من لها غيره يذريها ذراه ويلتجوبه = وتستظل بظلّه وعنها المتاعب يحتملها من هو الاسم الذي غير اسمه الشهم اهتفوبه = تنتخي به من تخوم سهولها لاعلى جبلها دمت يالغيث المغيث اللي تزبر في نصوبه = مزنه تسوق الفرج والخير في مقدم نفلها قائد ما همه الا راحت وعزة شعوبه = دونها يضحي بما يملك ويتحمل جللها ما اهتنى فالنوم يوم المخاليق اهتنوبه = ساهر يرعى مصالحها وفي جاله كفلها لأجهم الوقت النكيد ودق طبله في حروبه = له مراميع بعيده ما حد غيره وصلها يحتميها من التشرد والتفرق كل نوبه = ولا يتقدم للحمول الكائدات الا جملها يشهد إله الكون كله من شروقه لا غروبه = بان ما مثله زعيم لا نطق كلمه عقلها لا وقف وقفته من كل السلاطين مهيوبه = وكل ما مالت موازين القوى بامره عدلها بالكرم لاهل المكارم ينفق اللي في جيوبه = لو ما يملك سوى روحه لطالبها وبذلها وان دعى الموقف وزند الحرب ولعها شبوبه = للعدى مسرج ظهور الخيل وسيوفه صقلها السياسه والفراسه ظمّها في كم ثوبه = والخصوم اللي تروم المجد من دونه فصلها من شهامته العفو مقدّمه قبل العقوبه = والعقول ام الجهاله ما يؤاخذها بجهلها هذا هو رجل السلام اللي لوقفاته عجوبه = للعلا دامت حياته والله يطول اجلها والله عن الدين واهل الدين يجزاه المثوبه = ويكتب إله النصر في كل الدروب اللي بتلها فيه شعري يستفيض ويرتوي منه العذوبه = والروابع له تزوع وصعبها يسابق سهلها وقبل ما انهيها بازف من التهاني له ذهوبه = باقة عبيرها مسك الخزامى مع نفلها من روائع شاعر من طيبها ذعذع طيوبه = قلتها واقولها واقول للهوجاس قلها عاد عيدك بالسعد والخير ياصقر العروبه = انت قايدها ورايدها وسيدها واملها عاد عيدك . عيدك اللي كل الامّه عيدوبه = تقتدي بك لامّه اللي ما لقت غيرك بطلها والسلام ورحمة الله عد خط في كتوبه = من مشاعر شاعر من فرحة العيد ارتجلها

صح لسانك ياجزل
اخي مسفر يعجز التعبير ويخونني للامانه في وصف هذا الابداع
ابدعت ولا يستغرب منك فانت جزل ومتمكن
لاهنت وبيض الله وجهك على هذا النص الراقي

[صاحبة الفخامه]

صح لسانك شاعرنا
ويستاهل ملكنا الغالي الله يخليه
تقبل مروري
اختك
صاحبة الفخامه

[جدار الصمت]

صح لسانك مسفر جمعان الصفا
الله يحفظ لنا خادم الحرمين ويطول بعمره
ويحفظ لك فكرك وشاعريتك
مع مروري شكري
جدار الصمت

[ثامن السبع العجائب]

صححح كللللللللك

نننص راااائع بحق

لاهنت