[عيسى محمد]

إليكم اعزائي عزيزاتي هالابيات بعنوان
واقع الهمس
عساء ان ترتقي لذائقتكم الراقيه
=======================================
مـديـت دربـيـلـي وانا بموقعـن ضبس
في راس عيطآ بالحيود المنيفه

شرقآ من الضمران مشمل على الملس
ادور المحبوب بارضن مخيفه

قـعـتـبـه ساعات مـشـفـي على الرمس
اظـن اطـالـع من ظعنهم خليفه

من عصر هاك اليوم لا غيبت الشمس
ماغير احقق بالنظر ماش شيفه

ونزلت من رجمي واناخاطري عمس
قال الرجم وش فيك حالك كسيفه

قـلـت اسئلـك منهـو رقا فيك قبل امس
قــال الـمـهـا عـدا وحـالـه كليفه

يـوم انـت تبـراله عـلـى واقــع الهمس
وهـو يتخـطى والخطاوي خفيفه

قـلـت إيـه هـذا من حبس خافقي حبس
هـذا ربيـع القلب هـذا وليفه

قال امس جاني دمع عينه على خمس
يشكي رحل بالغصب ماهو بكيفه

وقـال سـلـملي عـلـى راعـي الجمس
قـلـه دهـرنا حـل من عقب ريفه

وكظمت مثل اللي مكظم على ضرس
اشكي افراق اللي عديمآ وصيفه

وصديت عـن ديران خلي بـلا نفس
وقفيت اهوجس وين هاك المنيفه

بديت مـع خـلـي على طلعـت الخمس
العام يـوم السـيـل يـمـطـر خريفه

وانكفت من رجمي وانامنحمس حمس
لاجـن على قـلبي همومآ عنيفه