[الشفق]

اقتباس: المشاركة الأصلية كتبت بواسطة علي حاسن     جوف راسك خلايا ولا ماشي خلايا=ابك هذي غشامه ولا هذي عواجه من شضايا المرايا انت عندك شضايا=والسجين البري عجل بيوم انفراجه

الغشامه براس اللي يسوق الروايا=يوم صدّق علومه زاد فيه اندماجه
الوجيه اصبحت ي ولد حاسن عرايا=لا تضايق مدام الكون توسع فجاجه

[اوركيد]

اقتباس: الغشامه براس اللي يسوق الروايا=يوم صدّق علومه زاد فيه اندماجه الوجيه اصبحت ي ولد حاسن عرايا=لا تضايق مدام الكون توسع فجاجه

لاتضآيق مدام الكون توسع فجآجه

صح لسآآنك مليآآرات يآ هزآآآع ,,

متآآآآآآبعه بـ قوووه

[علي حاسن]

مشكورين ياجماعه

الليله خوي لو اصيح بذنه ماسمعني

يبدو انه خايف من واحد منكم

والله اني وصيته وقلتله خل العبد للمعبود

لكن ماهة مصدق هههههههههههههههههههه

[الشفق]

اقتباس: المشاركة الأصلية كتبت بواسطة اوركيد     لاتضآيق مدام الكون توسع فجآجه صح لسآآنك مليآآرات يآ هزآآآع ,, متآآآآآآبعه بـ قوووه

صح كلك الراقيه اوركيد
وشرف لنا متابعتك لاهنتِ

[الصييفي]

يا سلام عليكم

ابو عقاب و ابو نايف صحت السنتكم

كيف تقوى بعد هذا تعد الضحايا=مثل محصولك اول ماعرفنا خراجه

هذا البيت يبو نايف ابشريه منك و ابني عليه محاوره مع علي
لعل و عسى احطه بزاويه المجرم

[اوركيد]

علي بن حاسن
مابقي من بقايا غير ذكرا بقايا=لاتاكلك عيش ولا بتعطيك حاجه
ود بعض الخلايق من جميع الزوايا=يحكم العالم النامي بثاير عجاجه


الشفق
طيب الحل وشهو ي كبير السرايا=طال ليلك وصبحك تنتظر ف انبلاجه
الحياه كلها ي صاح مثـل الحكايا=همك السرمدي يعّجِل الله إنفراجه


علي بن حاسن
روح خذلك مرايا وشوف وش بالمرايا=وانت شاعر ومثلك مانحب انزعاجه
مدري انته غني والا بحاجة عطايا=كيف اداوي المريض ان كان ماعرف علاجه

الشفق
يبن حاسن علاجه ما يجي بالكوايا=دامت انك مداوي ناظر اعلى حجاجه
المرايا اصنعوها ي علي للصبايا=خل شربك زلال ولا تقرّب هماجه

علي بن حاسن
لاتقول انت ماتشري المرايا نهايا=وكان سويتها وشلون تدري بحاجه
كان تسمع صدى صوتي وصادق نبايا=من كل البيض كله راس ماله دجاجه

الشفق
مابحثنا السدود ولا طعنا النوايا=ولا ندور لزلات الخوي وانحراجه
كيف تقوى بعد هذا تعد الضحايا=مثل محصولك اول ماعرفنا خراجه


علي بن حاسن
رد لي العلم الاول مايجنك الرزايا=انت عندك زجاجه ولا ماشي زجاجه
حاصرتك المعاني من جميع النحايا=الرجل قبل مدخاله درى وش خراجه

الشفق
ما ارتوت من سراب اللال كبد الضمايا=ومن زعل مارضى لو بيسر العنق عاجه
فيك الايام سوت يبن حاسن سوايا= من كل التمر ماعوّد يجمّع لجاجه

علي بن حاسن
جوف راسك خلايا ولا ماشي خلايا=ابك هذي غشامه ولا هذي عواجه
من شضايا المرايا انت عندك شضايا=والسجين البري عجل بيوم انفراجه

الشفق
الغشامه براس اللي يسوق الروايا=يوم صدّق علومه زاد فيه اندماجه
الوجيه اصبحت ي ولد حاسن عرايا=لا تضايق مدام الكون توسع فجاجه

[ابو دماس]

مبدعيين شعراءنا الكرام لاهنتم
سهرة ممتعة شكرا لكم وللراقية اوركيد على هذا التنسيق

[الشفق]

اقتباس: المشاركة الأصلية كتبت بواسطة الصييفي     يا سلام عليكم ابو عقاب و ابو نايف صحت السنتكم كيف تقوى بعد هذا تعد الضحايا=مثل محصولك اول ماعرفنا خراجه هذا البيت يبو نايف ابشريه منك و ابني عليه محاوره مع علي لعل و عسى احطه بزاويه المجرم

حياك الله دكتور
صح كلللللللللللللللللللك
وحلالك ما طلبت والله ودنا بطاروق
لك ولبن حاسن
انار تواجدك لا هنت
مودتي

[الشفق]

شكرا ابو عقاب
صح لسانك لا هنت

شكر لكل من مر هنا
وشكر خاص للراقيه اوركيد ع التنسيق
تصبحون على الف خير
مودتي