..♥♥ ديوُان الشآعر .. عصي الدّمع ..♥♥

[الشفق]

##

صبآح ..مسآء زاخِر بالخيراتّ
السسلآم عليكُم ورَحَمة الله وبركآته ..

مُحبيّ الشِعرّ ومتذوُقيّ طَعم الابدآعّ
شِعراً عذباً سلسبيلَآ
نُهنىء شآعرناََ المَبدعّ والقدِيرْ

عصي الدّمع ..

بِ أفتتآح ديوانه الَخاصّ ومُتكأ قصآئِدة وابداعاتهّ

ـآلف مُبارك لنآ ولهّ
مُتابعهّ مُمتِعه http://www.3bth-r.com/vb/images/smilies/fec/r14.png (http://www.3bth-r.com/vb/images/smilies/fec/r14.png)http://www.3bth-r.com/vb/images/smilies/fec/,8.gif (http://www.3bth-r.com/vb/images/smilies/fec/,8.gif)..

[اوركيد]

(( تلّ الشفق ))


عُصير قبل الليل والشمس تقفي
وانا ورى تل الشفق مسَلب الضي


اشعل قناديلي من الشوق واطفي
وآداعب احساسي على باقي الفي

واجادل اوجاعي من العصر تلفي
واجمع قضيض الوجد وبحالتي شي

سوانح الذكرى ... مع الوقت تزفي
عند الغروب اللي على طارف الحي

والليل ... يدفع باب الاحزان خلفي
عند المكان اللي بكيتيه ... يا مي

على يمين التل ... وانتي تحلفي
واجهشتي الدمعه وتقفين بشوي

الوعد باكر ... والمواصيل تنفي
والهاجس اطغاني على جيتي ذي

وتقبلوا تحياتي
بقلم / عصي الدمع

[اوركيد]

(( جدبآ وَ طينْ ))



من بكور النهار مع الغسق

طوح الصوت للغره حزين



ناي واغصان والصبح امتشق

من خبى الليل همس المخبتين



ان تساميت في وجهه .. رشق

وان تواريت . مفضوح الجبين



قُمت ... واداري الوقفه رفق

واتعامد .. على الخطوه يمين



واجمع الدرب .. بالكاد اتسق

وانثر الورد .. في جدبا وطين



حسبي الله على بعض الأرق

لا يراني ... ولا هو بالمبين



كنه الحَبّ ... في زرعه فسق

خاربه قبل موعدها .. بـ حين



تاه قلبي على حف .. الورق ؟!

يتبع الورق .. صداح الحنين !!


كل ما يجمع الصوت .. افترق

وكل ما قلت حسبُك . زاد . لين

......................

ولكم تحياتي

عصي الدمع

[اوركيد]

(( تغيّر حبيبي ))



تغير حبيبي ... يا محمد عن اللي ريت


ولا صار ذاك اللي .. على البال هقويته



تغير ... وكنا ما عرفنا الهوى من فيت

يشدّ اللثام ..... ويرخي الطرف من فيته



يصد الهوى عنوه .... ويمنعني التوليت

هقيته تمنى ...... لو على البعد ما ريته



نسى ليلةٍ كانت ... على التل دون البيت

نداري ضيا القمر .... ونطفي ضيا بيته



ونجمع شموع الحب .. وإن شبّها .. شبّيت

تقول أشتعل نار الغلا ....... وأنت شبّيته



وأنا اقول وانسى وش على خاطري حطّيت

تعثّر كلامي .... كل ماطاح ...... سطّيته



عيوني توالفها ... ..... إذا وادعت حنيت

ويقبل على قلبي ..... من الشوق ما جيته



دفعني ورى الصده ... وانا مندفع واتهيت

وقلبي تجاوزني ............ وبالكود ردّيته



,,,,,,,,,,,,,,,,,,,,,,,,,,,,,,,,,

عصي الدمع

[عصي الدمع]

يا مسا عطرٍ ... على الجذلا .. تهنا
سوّغ الحاسر عن الوسمي جساره

هيّج الورقا ... على دوحه وغنا
يستمد الناي من صوته هزاره


في رياضٍ لفها مزنٍ ... وسنّا
واكسب الزراع محصول النثاره


عصفها الريحان .. من لينه تثنا
حرك النشوان ... والهمني عباره


تستثير الشعر .. والشاعر .. معنّا
والسفايف في شقى المعطوب غاره


حركتها .. جايح الرمشين ... هنّا
واحترق قلبي على جذوان ناره !!


من سدى ذبحي على كف المحنا
زوبع العذال .. في سدل الستاره


قلت انا الجاني على قلب المجنّا
الهوى غلاب .. ماهي بالشطاره


كل من لاعب عنان الرمش دنّا !!
جس خفقات اللواعب ... بالمهآره


امتداد لـ قيس ... لو ( ليلى ) تمنّا
عامريٍ ... ينحر البيدى ... نهاره


في جبين الشمس .. والغيمه تونا
مشيّها ريثٍ .. على عجّت غباره


يسلب الناظر .... وللمشهد ترنّا
ويضعف المسلوب عن ردّ أعتبآره


شفت كسلان الزهر الى اشتهنّا ؟!
تلتوي في معصم الساقي سواره !!


تحياتي لكم ،،،
عصي الدمع