صكات بقعا

[الشفق]

اليوم صكات بقعا جات من كل صوب= يالله طلبناك تستر من عواقيبها
واللي سقاني من الغصات كوبٍ وكوب=هذي جزاتي سقيته من عواذيبها

[وجه الغياب]

يا مرحبا مرحبا دوب السمر زان دوب=للصبح ياصاحبي للصبح نسريبها
وش قصتك يالمعذب يالضمير الطروب=قلي عن اعلومها مخدوم بنجيبها

[الشفق]

مافيه زودة طرب والله ولاني لعوب= لكن بعض الصدف تمرضك من ريبها
ما ابغى ذنوب البشر ياكثرها من ذنوب= اليا اقبلت يالخوي تكثر منادبيها

[ابو شلاخ]

صحت السنتكم

متاابع لكم

ونفسي اسوي رابطه

بس مدري اةقف مع مين

اكيد للي بيدفع اكثر

[الشفق]

هلا وغلا

بشلوخي

انا بدفع اكثر

بس يالله شد حيلك وكووون الرابطه

هههههههههههه

[وجه الغياب]

الذنب مغفور وشروطه فقط لو تتوب=وخلك من السالفه وأعمر محاريبها
يقلون هاذي غريزه عايشه في القلوب=يالله عسى ماانت واحد من معازيبها

[ابو شلاخ]

اكيد بكون معاك يالهزاع

ذلحين افلح اتلفلفهم

[ابو شلاخ]

صح لسانك وجه الغياب

كم انت مبدع يابطل

[وجه الغياب]

هلا وغلا ابو شلاخ

ولا يكون للابداع الا مع وجودك



<< .... ما ودك تمسك الرابطه وباسوي معك عقد احتراف

[ابو شلاخ]

ههههههههههههههههههههههه

موافق بس الهزاع مدير ودي اقرب منهو هع

[الشفق]

وان صرت انا من معازيبه وشي مكتوب= لكن ما اكثرت واجد في مكاتيبها
في ذمتي الصخر من صده يعود يذوب= اقولها صدق لو يلمس عراقيبها

[ابو شلاخ]

صح لسانك الهزاااااااااااااع

اسر على امعربي وروه امحوف هع

[وجه الغياب]

الصد يمكن يكون اول طقوس الحروب=ويمكن بعد صدها تقدر تضحيبها
مشهود والواقع اللي فات كان محسوب=حطمت عمدانها وأعدت ترتيبها

[الشفق]

عمدان تُبنى على ساسات رملٍ وطوب= بأيات لحظه تبين لك سراديبها
والله ما خاوي الرجل الزعووول الكذوب= لا خالط الحقد من سمه ذرا طيبها

[ابو شلاخ]

مبدعين وربي

متاااااااااااااابعين لكم

[الشفق]

لحن الحياه

شرفنا واسعدنا تواجدك

ابو شلاخ صح كللللللللللللللك

وين الرابطه ياهووووه ؟؟؟؟؟؟

[شهريه جداويه]

مبدع الهزاع صح لسانك

[وجه الغياب]

الكذب حبله قصير وتكثر ابه الشطوب=ينهار سرعه وتظهر لك عذاريبها
والصدق واضح نهاره ما ركن للغروب=هات الشواهد عجل وافتيك في غيبها

[جوهينا]

وانا اشهد والله

كلمات قويه وجد ابداع


الله ما يحرمنا من هالابداع

[وجه الغياب]

هلا وغلا جوووهينا


الابداع في تواجدك

منوره المحاوره ومشاكسات حرف

هلا وغلا

[شهريه جداويه]

فديتك وجه الغياب مبدع

[الشفق]

كل الشواهد تلاشت في مهب الهبوب = مهما تحاول تطور في اساليبها
الحاكم الي يحبووونه عموم الشعووب = يبقى ملك يمنح المنصب مناصيبها

[الشفق]

شهريه جداويه

جوهينا

هلا وغلا

شرفنا تواجدكما

[شهريه جداويه]

وجه الغياب ششششاعر ابداعي

[ابو سديم]

االهزاع
وجه الغياب
صح السنتكم
ولاعدمناكم

[شهريه جداويه]

كمان لاتزعل ياالهزاع

[وجه الغياب]

حكمك رضيناه يالهزاع مابه هروووب=آمر وقل يالخوي ما اكثر مكاسيبها
دونك بوقت الردى دونك بوقت الكروب=هات الاشاره وشف كثرة مصاويبها

[الشفق]

بوجودكم ما تضيعنا طوال الدروب= النخوه اللي براسك والله ادريبها
فديت شرواك لا كثرت مواري الخطوب= ماتنتظر لين نسعى في مطاليبها

[حسن مدهش السهيمي]

صكات بقعاء
ومحاورة جميلة جدا
الهزاع
صح كلك
وجه الغياب
صح كلك

[وجه الغياب]

الاوله منك كانت يوم ساقو العيوب=من بعد ما غيبوني من تراحيبها
الاولي فاز ضامنها بوسط الجيوب=وغيرك شربها وحل خابت مشاريبها

[سمراء الوادي]

كلمات وذائقة رفيعة المستوى

جازت وحازت كامل الاعجاب

بارك الله فيكم