الاقحوان
12-21-2013, 01:24 PM
هذي قصة قصيرة صدق ماهي خيال=طفل عاش الحياة ما بين ذ م وخصام
البداية يتيم ولحاف طرحة وشال=ريحة الأم فيها قوت ذاك الغلام
والابو اختفى والقصد بنت الحلال = اختفى عن ظنينه تحت جنح الظلام
والصغير انبرى حاله وزاد الهزال= ما ارتوى من حنان وجاع قبل الفطام
0000000
كان يلعب ومرة طاح بين العيال=طاح وصارت يمينه ما تصل للطعام
ما كفى يوم طاح 00قالوا هذا هبال=طاح سبعين مرة في حياته وقام
يذكر مرة رسب أضناه ذل السؤال=أنت فاشل وخايب ياكسير العظام
وانطوى في فراشه الله يعلم بحال=عاد ذيك السنة ونجح ! وصار الكلام
ما علينا تقول نجحت! هذا محال=كان فرحان وده بالبشارة ! ونام
لا بشارة وحتى النوم أبى واستحال =دمعته تكسر الخاطر ونظرته ياحرام
0000000
راح ذاك الفتى ناوي يشد الرحال= غاب عنهم وحاله مثل فرخ الحمام
غاب عنهم وهمه ما تشيله جبال= جسم ناحل وروحٍ احتواه السقام
ودع الأهل والأصحاب وهو ما يزال= في عيونه أمل وطموح قاصد مرام
000000
ياخسارة على أخٍ وعمٍ وخال= يوم صبوا عليه الظلم صب اللحام
مادروا إن خير الخلق وصى وقال= من كفل له يتيم يبشربحسن الختام
عن سهل بن سعد قال : قال رسول الله صلى الله عليه وسلم:
"أنا وكافل اليتيم في الجنة هكذا وأشار بالسبابة والوسطى وفرج بينهما. "رواه البخاري
البداية يتيم ولحاف طرحة وشال=ريحة الأم فيها قوت ذاك الغلام
والابو اختفى والقصد بنت الحلال = اختفى عن ظنينه تحت جنح الظلام
والصغير انبرى حاله وزاد الهزال= ما ارتوى من حنان وجاع قبل الفطام
0000000
كان يلعب ومرة طاح بين العيال=طاح وصارت يمينه ما تصل للطعام
ما كفى يوم طاح 00قالوا هذا هبال=طاح سبعين مرة في حياته وقام
يذكر مرة رسب أضناه ذل السؤال=أنت فاشل وخايب ياكسير العظام
وانطوى في فراشه الله يعلم بحال=عاد ذيك السنة ونجح ! وصار الكلام
ما علينا تقول نجحت! هذا محال=كان فرحان وده بالبشارة ! ونام
لا بشارة وحتى النوم أبى واستحال =دمعته تكسر الخاطر ونظرته ياحرام
0000000
راح ذاك الفتى ناوي يشد الرحال= غاب عنهم وحاله مثل فرخ الحمام
غاب عنهم وهمه ما تشيله جبال= جسم ناحل وروحٍ احتواه السقام
ودع الأهل والأصحاب وهو ما يزال= في عيونه أمل وطموح قاصد مرام
000000
ياخسارة على أخٍ وعمٍ وخال= يوم صبوا عليه الظلم صب اللحام
مادروا إن خير الخلق وصى وقال= من كفل له يتيم يبشربحسن الختام
عن سهل بن سعد قال : قال رسول الله صلى الله عليه وسلم:
"أنا وكافل اليتيم في الجنة هكذا وأشار بالسبابة والوسطى وفرج بينهما. "رواه البخاري